Asset 1SWN

افغانستان ده خصوصی بیلیم یورت‌لردن کوپینچه‌سی ناقانونی فعالیت قیله‌دی

IMG-20200901-WA0002-owwjsg7aw88tpvlipknzhoooyvkhdhgo8jxjgsakqw

سلام‌وطندار نینگ اختیاری گه قرار تاپگن سندلرنینگ کورستیشیچه، کمیده ۴ آی آلدین جمهوررئیس غنی بیر بویروغ صادر قیلیش بیلن خصوصی عالی اوقوو نهادلر قنده‌ی ایجاد ایتیلیشی نینگ تیکشیریلیشی نی سوره‌گن.

عالی تیکشیرووچی اداره نینگ گزارشی نی کورستیشیچه، افغانستان عالی اوقوو مؤسسه‌سی، ابن‌سینا بیلیم یورتی، دعوت بیلیم یورتی، کاتب بیلیم یورتی،‌ باختر بیلیم یورتی، خاتم‌النبیین بیلیم یورتی، دنیا بیلیم یورتی، کابل بوییچه جامعه‌المصطفا بیلیم یورتی و کابل بوییچه اسلامی ایرکین بیلیم یورتی اوچ دور فراغت معیارلرینی تولدیرمه‌سلیگی، کیفیت نی تضمین قیلیش و اعتبار بیریش برنامه‌سیده صفت‌سیز خصوصی موسسه‌لری نینگ جمعی ده قرار تاپیش اوچون، ماستری برنامه‌سی نینگ یولگه قویش گه ماس ایمس ایکن، بیراق اوز باشیمچه‌لیک شکلده بو برنامه نی یولگه قوییشگن.

جناب غنی بو بویروغ ده تیکشیرووچی عالی اداره اورین‌باسرلیگی نینگ رهبرلیگی و مالیه و عدلیه وزیرلیگی، باش قاره‌لاوچیلیک، ملی خوفسیزلیک ریاستی و جمهورلیک ریاست امور اداره‌سی اعضالیگی بیلن بیر هیأت تشکیل ایتیلیشی نی سوره‌گن کیم مذکور بویروغ گه اساس، هیأت تیکیشیروولری نی بیر آی جریانیده جمهورلیک ریاستی بیلن شریک قیلیشی کیره‌ک. بیراق حاضر کمیده ۴ آی اوتماقده و خصوصی بیلیم‌یورتلر کیم اهالی توغری درس پلانی بولمه‌گنی و توغری ییری بولمه‌گنی خصوصیده شکایت قیلیشگن و بو حقده قرار آلینمه‌گن.

عالی تیکشیرووچی اداره نینگ گزارشی نی کورستیشیچه، افغانستان عالی اوقوو مؤسسه‌سی، ابن‌سینا بیلیم یورتی، دعوت بیلیم یورتی، کاتب بیلیم یورتی،‌ باختر بیلیم یورتی، خاتم‌النبیین بیلیم یورتی، دنیا بیلیم یورتی، کابل بوییچه جامعه‌المصطفا بیلیم یورتی و کابل بوییچه اسلامی ایرکین بیلیم یورتی اوچ دور فراغت معیارلرینی تولدیرمه‌سلیگی، کیفیت نی تضمین قیلیش و اعتبار بیریش برنامه‌سیده صفت‌سیز خصوصی موسسه‌لری نینگ جمعی ده قرار تاپیش اوچون، ماستری برنامه‌سی نینگ یولگه قویش گه ماس ایمس ایکن، بیراق اوز باشیمچه‌لیک شکلده بو برنامه نی یولگه قوییشگن.

عالی تیکشیرووچی اداره‌سی تامانیدن ترقه‌تیلگن گزارش گه کوره، امریکا، باختر، کاتب، خاتم النبیین، آزاد اسلامی، کاردان، دعوت، دنیا و افغانستان خصوصی بیلیم یورت‌‌لری ماسترلیک بولیمی گه تعیین‌لنگن رقمدن آرتیق اوقووچی جذب قیلگن.

کاردان بیلیم یورتی اقتصاد بولیمیگه، امریکا خصوصی بیلیم یورتی اجتماعی علملر بولیمیگه، رنا بیلیم یورتی اقتصاد بولیمیگه، آریانا بیلیم یورتی حقوق و سیاسی بیلیملر، اقتصاد و معالجه طبی بولیملریگه، فعالیت جوازینی قولگه آلمسدن آلدین اوقوتوچی جذب ایتگن.

اوشبو گزارشده مذکور بیلیم یورتلر مسووللری بیلن سوزلشیش نی ایسته دیک لیکن یالغوز کاردان و امریکا خصوصی بیلیم یورتلری نینگ مسووللری بیلن سوزلشیشده موفق بولدیک.

کاردان بیلیم یورتی نینگ سوزلاوچیسی ظاهر ایوبی سلام وطنداربیلن بولگن سوزلشویده اوشبو ادعالرنی رد ایتیب، ژورنالیزم بولیمی اجتماعی علملر فاکولته سی نینگ بیر بولیمی صفتیده فعالیت قیلیشی نی ایتگن.

انه شوحالده ایوبی جنابلری، ماسترلیک بولیمیگه تعیین لنگن رقمدن آرتیق اوقوچی جذب قیلیش تخطی ایمس، بلکیم جماعه نیازی دیگن.

عالی تیکشیریش اداره سی تمانیدن ترقلگن گزارشگه کوره، کاردان بیلیم یورتی ژونالیزم بولیمیگه، مشعل بیلیم یورتی کامپیوتر ساینس بولیمیگه، رنا بیلیم یورتی انگلیسی بولیمیگه، راه سعادت بیلیم یورتی شرعیات بولیمیگه، میوند بیلیم یورتی حقوق و سیاسی بیلیملر و تعلیم و تربیه بولیمیگه، پیشگام بیلیم یورتی حقوق سیاسی بیلیملر، تعلیم و تربیه و کمپیوتر ساینس بولیملریگه، افغان پامیر بیلیم یورتی حقوق سیاسی بیلیملر بولیمیگه، شفا بیلیم یورتی معالجه طبی بولیمی، کمپوتر ساینس بولیملریگه و مریم بیلیم یورتی تعلیم و تربیه بولیمیگه فعالیت جوازینی قولگه آلمسدن ناقانونی شکلده اوقوچی جذب ایتگنلر.

عالی تفتیش اداره سی نینگ گزارشیگه کوره، جهان عالی بیلیم یورتیده، افغانستان عالی بیلیم یورتیده، بایزید روشان عالی بیلیم یورتیده، رازی عالی بیلیم یورتیده و ادراک عالی بیلیم یورتلریده باشقه ضعفیت یانباشیده مناسب و معیارگه برابر و اکادمیک بناسی هم بولمه گن.

افغانستان بیلیم یورتلر وزیرلیگی نینگ عالی خصوصی بیلیم یورتلر ایشلری بویچه باشلیغی احمد ضیا یوسفزی سلام وطندار بیلن بولگن شوزلشوویده عالی تحصیلات قانونی گه قرشی فعالیت قیله دیگن ۹ عالی بیلیم یورت و موسسه لر ۱۰۰ مینگ افغانیدن ۱ میلیون افغانی گچه نقدی جریمه بولگنی نی ایتگن.

سونگی زمانلرده اوقوچیلر، خصوصی عالی بیلیم یورتلر همده موسسه لر نینگ فیسی کوپلیگیدن و تعلیم کیفیت سیزلیگیدن شکایت ایتماقده ایدیلر لیکن حاضرگچه اوشبو قینچیلیک حل ایتیلمه گن. خلق سوزیگه کوره حاضرده هم کوپینچه عالی بیلیم یورتلر و موسسه لر اولکه نینگ تحصیلی قانونیگه قرشی فعالیت قیلیب و اوز ایستک لریگه کوره اوقوچیلردن پول آله دیلر، اما تعلیم کیفیتیگه هیچ توجه قیلمه یدیلر.

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام