تخار ولایتی چاه‌آب تومنیده آلتین کانی آستیده قالگن کانچیلر اوچ کیچه-کوندوزدن سونگ قوتقریلدی.
تخار حاکمی سوزلاوچیسی محمدعاف عارف‌نینگ ایتیشیچه، اوشبو ولایت محلی مسئوللری‌نینگ نظارتی آستیده آلیب باریلگن قوتقریش عملیاتیده، نهایت کانچیلر ساغلام طرزده قوتقریلگن.
اونگه کوره، عملیات دوامیده کانچیلر بیلن علاقه برقرار بولیب و اولر اوچون تونل ایچیده آکسیجن انتقال بیریلردی.
ایسله‌تیب اوته‌میز، اوتگن کون تخار چاه‌آب تومنیده «آلتین» کانی قولشی عاقبتیده قریب ۱۰ کانچی ایچکریده قالیب کیتگن ایدی.
مملکت‌نینگ ایریم حدودلری جمله‌دن تخارده آلتین کانلری ناقانونی و عنعنوی شکلده قزیب چیقریلیشی طفیلی، انده-سنده کانلر قولب و یشاوچیلردن قربانلیک آله‌دی.
