اسلام امیرلیگی کان‌لر و پترولیم وزیرلیگی نینگ سرپرستی سه‌شنبه کونی، ۹ جوزا، فاریاب ده‌گی کان‌لرنی تیکشیریش مقصدیده اوشبو ولایت گه قیلگن سفری دایره‌سیده، محلی مسئوللر و یشاوچیلر بیلن اوچره‌شیب، مذکور ولایت ده بیر قطار کان‌لر نینگ قازیب چیقریش ایشی باشله‌نیشیدن خبر بیرگن.
کان‌لر و پترولیم وزیرلیگی نینگ سرپرستی شهاب‌الدین دلاور مطبوعاتی ییغیلیش ده ایتیشیچه: «ینگی تشکیل ایتیلگن خیبر تومنیده تاش کومیر کانی و لولاش تومنیده آلتین و سرب کان‌لری یقینده قرار داد قیلینیب و قازیب چیقریش ایشی باشله‌نیشی ممکن.»
بیزلرنینگ فیسبوک صحیفه‌میزگه باش اورینگ!
شهاب‌الدین دلاور نینگ کوپه‌یتیریشیچه، مذکور کان‌لر نینگ قازیب چیقریش ایشی باشله‌نیشی بیلن اوشبو ولایت ده یوزلب کیشی ایش بیلن تأمینله‌نیب و یشاوچیلر نینگ اقتصادی احوالی یخشی بولیشی ممکن.
شونینگدیک، کان‌لر و پترولیم وزیری، فاریاب نی غربی ولایت‌لر بیلن باغله‌یدیگن ۱۵۰ کیلومتر هرات_بادغیس حلقه‌وی سرکی، «لعل‌وسرجنگل» درآمدی دن اسفالت بولیشیدن خبر بیرگن.
عین‌حالده، فاریاب حاکمی شعیب رسالت مذکور ولایت خلقی نماینده‌لیگیدن نطق سوزلب، فاریاب ده بیرقطار کان‌لر قازیب چیقریلیشی گه دایر کان‌لر و پترولیم وزیری نینگ وعده‌لریدن خورسندلیک قیلیب و دهن‌دره و المار سوو توغان‌لری ایشی قیته باشله‌نیشینی طلب قیلگن.
بیزلرنینگ توییترده هم تعقیب قیلینگ!
شونینگدیک، فاریاب حاکمی اوشبو ولایت کان‌لری نظارت ایتیلیشی اوستیده تأکیدلب ایتیشیچه: «خیبر تومنی تاش کومیری اوستیده بحث ایتدیک یشاوچیلر شکایت قیلماقده نظارت ایتیلیشی کیره‌ک، لولاش تومنی سیاه‌کوه کانی بیر قلم ایمس بلکه تیمیر، سرب، آلتین و باشقه قیمت‌بها اشیالر شامل، ۱۲ قلم کان دن عبارت دیر.»
فاریاب مملکت شمالی ده کان لحاظ دن بای ولایت‌لردن سنله‌دی، اوشبو ولایت ده تیل، گاز، تاش کومیر، توز، آلتین، مرمر تاشی و المار رخام تاشی، میتال پولی کانی، تاش، سرب و جست کان‌لری موجود.
