هلمند و زابل ده ایکینچیلردن قطاری، کوکنار اورنیده بدیل ایکین تأمین‌لنمه‌گنیدن شکایت قیلیب سلام‌وطندار گه ایتیشلریچه، اوتگن ایکی ییل‌دن بویان اسلام امیرلیگی سرپرست حکومتی کوکنار اورنیده بدیل ایکین تأمین‌لنیشی‌ده اولر گه اعتبار قره‌تمه‌گن.
هلمند یشاوچیسی بولمیش عبدالرزاق نینگ ایتیشیچه، افغانستان ده کوکنار ایکیلیشی تقیق‌لنگنی‌دن حاضرگچه، هیچ قنده‌ی بدیل ایکین قولگه کیلتیرمه‌گن. «دولت‌دن زعفران اوروغی بیریلیشی و اقتصادی‌میز نینگ یخشی‌لنیشی نی ایسته‌یمیز. تریاک ایکیلیشی تقیق‌لنگنی‌دن بویان، هیچ کیم گه بدیل ایکین یاردم بیریلمه‌گن.»
بیزلرنینگ «ایکس» ترماغی ده هم تعقیب قیلینگ!
مذکور ایکینچی نینگ کوپه‌یتیریشیچه، ایکینچیلیک ییرلری گه پمیدار، سریمساق و باشقه تور سبزه‌وات ایکیلیشی نی ایسته‌یدی؛ بیراق اقتصادی قیین‌‌چیلیک سبب، اوشبو سبزه‌وات اوروغی نینگ ساتیب آلیش گه کوچی ییتیشمه‌یدی.
شونینگدیک ایکینچی و زابل یشاوچیسی بولمیش ۲۵ یاشر شاه‌ولی نینگ ایتیشیچه: «حاضرگچه تریاک اورنیده بدیل ایکین بیزلر گه یاردم بیریلمه‌گن. تریاک اورنیده بدیل ایکین بیریلگنی پیتده، کوپ یخشی بوله‌دی؛ چونکه بو ایکین بولیمیده بیزلر اوچون بیر یوتوق دیر.»
ایکینچیلیک، سووغاریش و چاروه‌چیلیک وزیرلیگی ایکینچیلر گه بدیل ایکین تأمین‌لنیشی نی خلق‌ارا تشکیلاتلر نینگ یاردمی گه نیازمند بیلیب و بیرلشگن ملتلر تشکیلاتی‌دن ایکینچیلر گه کوکنار اورنیده بدیل ایکین ارائه بولیشی خصوصیده افغانستان گه یاردم بیریشلری نی ایسته‌گن.
باشقه بیر تامان‌دن، افغانستان ده بیرلشگن ملتلر تشکیلاتی باش کاتبی نینگ نماینده‌سی روزا اوتونبایوا، دوشنبه کونی ۱۸-جدی، افغانستان بوییچه ایران خاص نماینده‌سی و ایلچیسی حسن کاظمی قمی بیلن اوچره‌شیب و افغانستان‌لیک دهقان‌لرگه بدیل ایکین ارائه بولیشی اوچون قوشمه همکارلیک‌لر حقیده صحبت قیلگن.
شونینگدیک مذکور کون اوتونبایوا افغانستان ایکینچیلیک، سووغاریش و چاروه‌چیلیک وزیرلیگی سرپرستی عطاءالله عمری بیلن اوچره‌شیب و افغانستان‌لیک دهقان‌لر گه کوکنار اورنیده بدیل ایکین ارائه بولیشی خصوصیده بیر قطار مملکت نینگ تیارگرلیگی‌دن خبر بیرگن.
افغانستان ده بیرلشگن ملتلر تشکیلاتی باش کاتبی نینگ نماینده‌سی، اوشبو اوچره‌شووده ایکینچیلیک، سووغاریش و چاروه‌چیلیک وزیرلیگی‌دن بدیل ایکین طرحی نینگ مذکور تشکیلات بیلن شریک قیلیشلری نی ایسته‌گن.
ایکینچیلیک، سووغاریش و چاروه‌چیلیک وزیرلیگی سوزلاوچیسی مصباح‌الدین مستعین، بیرلشگن ملتلر تشکیلاتی گه بدیل ایکین طرحی نی ارائه قیلیش حقیده ایتیشیچه، مذکور وزیرلیک ایکینچیلر گه کوکنار اورنیده بدیل ایکین ارائه بولیشی اوچون بیش ییل‌لیک بیر طرح نی قولگه آلگن و اونینگ عمل گه آشیریلیشی اوچون خلق‌ارا تشکیلاتلر نینگ یاردمی گه نیاز بار.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بوندن آلدین بیر قطار تشقی تشکیلاتلر بدیل ایکین بولیمیده افغانستان گه سوز بیرگن ایدیلر؛ کیلیب و بو توغریده یاردم بیرسینلر. بو توغریده ایکینچیلیک وزیرلیگی نینگ بیش ییل‌لیک بیر طرحی بار. وزیرلیک اولر نینگ همکارلیگی بیلن بو یاردم‌لر نینگ ارائه قیلگنلری صورت‌ده، بدیل ایکین بولیمیده بویوک بیر یوتوق بولیشی ممکن.»
ایتیش کیره‌ک که، بوندن آلدین هم تورلی ولایت‌لرده ایکینچیلر حکومت آرقه‌لی خشخاش اورنیده بدیل ایکین تأمین‌لنمسلیگی‌دن شکایت قیلیب و خواطر بیلدیرگن ایدیلر.
