مملکت نینگ شرقی، غربی، شمالی و جنوبی حوزه‌لر‌یده‌گی دهقان‌لردن قطاری نینگ سلام‌وطندار گه ایتیش‌لریچه، اسلام امیر‌لیگی تامانیدن اولر گه بدیل ایکین ترقه‌تیلمه‌گنی سبب، بو ییل هم ییرلری گه کوکنار ایککنلر.
لغمان ده‌گی دهقان‌لردن بیری گلاب نینگ ایتیشیچه، بدیل ایکین گه قول تاپه آلمه‌گنی سبب، بو ییل هم کوکنار ایککن؛ بیراق اونگه کوره، ایچکی ایشلر وزیرلیگی نینگ مخدره ماده گه قرشی کوره‌ش معینیتی مسئوللری، ینگی‌لیکده اولر نینگ ایکین‌زارلری نی ویران قیلگن. مذکور دهقان اسلام امیر‌لیگی‌دن اولر گه بدیل ایکین زمینه‌سی یره‌تیلیشی نی ایسته‌گن. اونینگ کوپه‌یتیریشیچه: «باش کون‌لرده قوروق‌چیلیک ایدی و کوکنار ایکیش گه مجبور بولدیک. اسلام امیر‌لیگی ییرلری‌میز نی خراب قیلدی و اسلام امیر‌لیگی‌دن اهالی گه بدیل ایکین بیریلیشی نی ایسته‌میز.»
بیزلرنینگ فیسبوک صحیفه‌میزگه باش اورینگ!
شمالی ولایت‌لردن بیری‌ده‌گی دهقان‌لردن بیری گل‌مراد نینگ ایتیشیچه، او هم باشقه دهقان‌لر کبی بدیل ایکین یوقلیگی و اقتصادی قیین‌چیلیک‌لر سبب، ییرلری گه کوکنار ایککن. گل‌مراد نینگ کوپه‌یتیریشیچه: «اقتصادی قیین‌چیلیک‌لر، قشاق‌لیک و بدیل ایکین یوقلیگی سبب، ییرلری‌میز گه کوکنار ایکدیک؛ بیراق اسلام امیر‌لیگی ایکین‌زار‌لریمیز نی اورته‌دن کیتگزدی و بدیل ارورغ ایسته‌یمیز.»
شونینگدیک هرات ده دهقان‌لردن باشقه بیری عبدالله نینگ ایتیشیچه: «اسلام امیر‌لیگی بدیل ایکین بیرمه‌گنی و کوچی‌میز ییتیشمه‌گنی سبب، بو ییل کوکنار ایکدیک. اسلام امیر‌لیگی‌دن بدیل ایکین فراهم بولیشی نی ایسته‌یمیز.»
شونده‌ی بیرحالده، ایچکی ایشلر وزیرلیگی سوزلاوچی اورین‌باسری بسم‌الله حبیب نینگ ایتیشیچه، بو ییل ولایت‌لردن قطاری‌ده کوکنار ایکیلگن مینگ‌لرچه هکتار ییر نی اورته‌دن کیتگزیب و تازه‌لگنلر. جناب حبیب نینگ کوپه‌یتیریشیچه: «بو ییل ۱۷۸۵ هکتار ییر نی کوکنار‌دن تازه‌لدیک و عملیاتی‌میز نینگ دوامی بار. ایچکی ایشلر وزیرلیگی نینگ عملیات‌لری‌ده ۵۴۳ تُن مخدره ماده کشف و مخدره ماده پروسس و تولید قیله‌دیگن ۲۰۰ ایش‌خانه تخریب بولدی.»
عین حالده، اوشبو وزیرلیک نینگ مخدره ماده گه قرشی کوره‌ش معینیتی گه کوره: «اسلام امیر‌لیگی نینگ قدرت گه ایریشگنی‌دن کیین، مخدره ماده ایکین‌زارلری نی اورته‌دن کیتگزیش اوچون، ۵۵۱۰ عملیات صورت تاپگن و اسلام امیر‌لیگی رهبری نینگ بویروغی‌دن کیین، کوکنار ایکیلگن ۳۷۶۶ هکتار ییر تخریب بولگن. مملکت بویلب بدیل ایکین پروسه‌سی هم تیزلیککه باشلنیشی ممکن.»
بیزلرنینگ توییترده هم تعقیب قیلینگ!
ایتیش کیره‌ک که، اوتگن قویاش ییل نینگ کوکلمی‌ده، اسلام امیر‌لیگی رهبری هبت‌الله آخوند‌زاده بیر بویروغ صادر قیلیش بیلن، مملکت بویلب هرقنده‌ی نشئه‌‌یی ماده‌لر ایکیلیشی نی مطلق بیر شکلده منع اعلام قیلدی. مذکور بویروغ‌ده کیلگن که، متخلف‌لر بیلن اسلام شریعتی اساسیده، یانده‌شیلیشی ممکن.
