افغانستان‌ده بیرلشگن ملتلر تشکیلاتی‌نینگ نماینده‌لیگی (یوناما) میلادی ۲۰۲۵ ییل بیرینچی اکتوبردن ۲۰۲۶ ییل، ۳۰ سپتمبرگچه، چیگره‌لرده‌گی امنیتی ماجرالرده ۵۱۲ کیشی اولگن و ینه بیر مینگ ۲۳۶ کیشی یره‌لنگنینی معلوم قیلدی.
یوناما، بوگون (۲۳ میزان/۱۵ اکتوبر، پنج‌شنبه) افغانستان‌ده انسان حقلری وضعیتی گه دایر اوچ آی‌لیک گزارشینی ترقه‌تدی.
گزارش‌ده، اوشبو قربان‌لر پاکستان‌نینگ هجوملری و چیگره حدودلریده یوز بیرگن باشقه خوفسیزلیک بیلن باغلیق حادثه‌لر عاقبتیده قید ایتیلگنی کیلگن.
یونامانینگ گزارشی گه کوره، میلادی ۲۰۲۶ ییل‌نینگ اوچینچی چاره‌گیده یعنی بیرینچی جولای‌دن ۳۰ سپتمبرگچه چیگره حدودلرده‌گی خوفسیزلیک بیلن باغلیق حادثه‌لر عاقبتیده ۳۳ نفر تینچ اهالی جبرلنگن. اولردن ۱۳ نفری هلاک بولگن و ینه ۲۰ نفری ایسه جراحت‌لنگن.
