بیرلشگن ملتلر تشکیلاتی، قیشلاق عیاللری برچه اوچون ینه‌ده برقرار و تورلی انقراض‌لر گه برداشلی کیله‌جک‌نی یره‌تیشده مهم اورین توته‌یاتگنینی بیلدیردی.
اوشبو تشکیلات، بوگون (۲۳ میزان/۱۵ اکتوبر، پنج‌شنبه) قیشلاق عیاللری خلق‌ارا کونی مناسبتی بیلن وبسایتیده، قیشلاق عیاللری‌نینگ امکانیت‌لرینی کینگه‌یتیریش نه‌فقط علیحده شخص‌لر، عایله‌لر و قیشلاق جماعه‌لری‌نینگ فراوانلیگی، بلکی اقتصادی ثمره‌دارلیک‌نی آشیریش اوچون هم مهم ایکنینی ایتگن.
بیرلشگن ملتلر تشکیلاتی معلومات‌لریگه کوره، تعلیم، ساغلیق‌نی سقلش و مالیه‌وی خذمت‌لردن فایده‌لنیش امکانیت‌لری‌نینگ چیکلنگن‌لیگی قیشلاق عیاللری دوچ کیله‌یاتگن اساسی معمالردن بیری دیر. جهان آزیق-آوقت و اقتصادی انقراض‌لر شونینگدیک اقلیم اوزگریشی بو معمالرنی ینه‌ده کوچه‌یتیرگن.
۲۰۰۷ ییلده بیرلشگن ملتلر تشکیلاتی عمومی ییغیلیشی‌ده ۱۵ اکتوبر کونینی قیشلاق عیاللری‌نینگ ترقیات و جندر تینگ‌سیزلیگیگه قرشی کوره‌ش اوچون دنیا اعتبارینی قره‌تیش مقصدیده قیشلاق عیاللری خلق‌ارا کونیب دیب اعلان قیلگن.
