Asset 1SWN

قندهار؛ بیر ایرکک تورموش اورتاغی(خاتینی) نینگ باشینی کیسه‌دیگن پیتده قولگه آلیندی

Kandahar-Man-p0o6wroy30o3tarwv8f7i1wrfydmfbsnt08694087o

تورموش اورتاغی(خاتینی) نینگ باشی‌نی تنه‌سیدن اجره‌تیش‎گه قصد قیلگن کیشی قندهار پولیس کوچلری تامانیدن قولگه آلینگن.

بوگون “پنجشنبه” قندهار پولیس قومندانلیگی سوزلاوچیسی جمال‌ناصر بارکزی نینگ سلام‌وطندارگه ایتیشیچه، مذکور کیشی تورموش اورتاغی(خاتینی) نینگ باشی‌نی پیچاق آرقه‌لی کیسه‌دیگن چاغده، پولیس کوچلری تامانیدن قولگه آلینگن.

اونینگ ایتیشیچه، اوشبو ایرکک نینگ تورموش اورتاغی یره‌لنگن و قندهار حوزه‌یی کسلخانه‌گه انتقال بیریلگن. کسلخانه مسووللری، حاضرگه‌قدر اوشبو عیال نینگ ساغلیک وضعیتی خصوصیده معلومات بیرمه‌گن.

بیراق، قندهار پولیس قومندانلیگی سوزلاوچیسی، پولیس نینگ واقعه خصوصیده قنده‌ی معلومات قولگه کیلتیرگنی و محلگه بارگنی توغریسیده معلومات بیرمه‌گن.

قندهار ولایتی بوییچه عیاللر ریاستی مسوول‌لری نینگ ایتیش‌لریچه، جاری ییلده عیاللرگه قرشی ۱۳۹ زوروانلیک واقعه اوشبو ولایتده قید ایتیلگن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام