خلق‌ارا ساغلیق‌نی سقلش تشکیلاتی، «خلق‌ارا سلامت‌لیک کونی» مناسبتی بیلن، دنیاده هر ییتی کیشیدن بیری‌نینگ روحی قیینچیلیگی بارلیگینی معلوم قیلدی.
اوشبو تشکیلات، بوگون (۱۸ میزان/۱۰ اکتوبر، شنبه) ترقه‌تگن خبریده، جامعه بویلب روحی سلامت‌لیک خذمت‌لرینی کوچه‌یتیریش و کسللر گه اوزلوک‌سیز یاردم کورسه‌تیلیشیگه تأکید ایتگن.
خلق‌ارا ساغلیق‌نی سقلش تشکیلاتی‌نینگ ایتیشیچه، اوشبو کیشیلر، روحی سلامت‌لیک متخصص‌لری، سیاستچیلر و تدقیقاتچیلر اورته‌سیده همکارلیک، هر بیر کیشی‌نینگ احتیاجلرینی حل قیلیشگه یاردم بیریشی ممکن.
شونینگدیک تشکیلات، جامعه بویلب روحی سلامت‌لیک خذمت‌لرینی کوچه‌یتیریش، کسللر اوچون اوزلوک‌سیز یاردم بیریش زمینه‌سینی یره‌تیش و روحی سلامت‌لیک حقیده‌گی صحبت‌لر گه دقت قیلیش گه تأکید ایتگن.
خلق‌ارا روحی سلامت‌لیک کونی هر ییلی ۱۰-اکتوبرده نشانلنه‌دی. اوشبو کون‌نینگ مقصدی روحی سلامت‌لیک حقیده خبردارلیک‌نی آشیریش، روحی سلامت‌لیک قیینچیلیگی بولگن کیشیلر گه نسبتن تبعیض‌نی کمه‌یتیریش و اولر گه طبی خذمت کورسه‌یش‌دن عبارت.
