ایران مجلسی کمیسیون‌لردن بیری‌نینگ باشلیغی محسن زنگنه‌نینگ معلوم قیلیشیچه، ایران و افغانستان اسلام امیرلیگی چابهار بندری‌ده ۱۱۰ هکتاردن آرتیق ییرنی افغانستان گه اجره‌تیش بوییچه دستلبکی کیلیشوو گه ایریشگن.
ییتکرمه‌لر محسن زنگنه گه اساسلنیب ایتیشلریچه، اوشبو ییرلر افغان سوداگرلری، کمپنیه‌لری و سرمایه کیریتووچیلرنینگ فعالیتی اوچون مولجللنگن، بیراق منطقه‌ده ییر میدانی چیکلنگنی سببلی افغانستان‌نینگ قوشیمچه ییر اجره‌تیش حقیده‌گی طلبی بوییچه یکونی کیلیشوو گه حلی ایریشیلمه‌گن و مذاکره‌لر دوام ایتماقده.
شونینگدیک، ایران هیئتی‌نینگ کابل گه تشریفی چاغیده ایکی تامان صناعت ساحه‌سیده همکارلیکنی کینگه‌یتیریش، قوشمه صناعت شهرچه‌سینی تشکیل ایتیش و اوزارا سودا حجمینی ۱۰ میلیارد دالر گه ییتکزیش مسئله‌لرینی محاکمه قیلگن.
چابهار بندری استراتیژیک جایلشووی طفیلی افغانستان‌نینگ آچیق دینگیزلر گه و جهان بازارلریگه چیقیشیده مهم ترانزیت یوللریدن بیری حسابلنه‌دی. اجره‌تیله‌دیگن ییرلر بوییچه یکونی کیلیشوو تفصیلات‌لری و فعالیت قچان باشلنیشی حاضرچه اعلان قیلینمه‌گن.
