اسلام امیرلیگی نینگ اقتصادی هیئتی ایران گه قیلگن سفری یکونیدن کیین، صناعت و سوداگرلیک وزیرلیگی سرپرستی نورالدین عزیزی، چابهار بندری ده افغانستان سوداگرلری برابری ده‌گی قیینچیلیک‌لر حل ایتیلگنیدن خبر بیردی.
اونگه کوره: «وعده‌لر بیریلدی، ایرته دن کیین چابهار بندری آرقه‌لی صادر و وارد قیلیشنی باشلش ممکن.»
ایران رسمی‌لری اسلام امیرلیگی هیئتی گه، افغانستان بوندن کیین چابهار بندری آرقه‌لی سوداگرلیک توارلرینی انتقال بیریشی ممکن دیگنلر.
بیزلرنینگ فیسبوک صحیفه‌میزگه باش اورینگ!
افغانستان چابهار بندری دن فایده‌لنگن حالده، ایران و هندوستان یولی بیلن ایرکین سوولر گه یول تاپیب منطقه و دنیا بیلن سوداگرلیک علاقه‌سینی آشیریشی ممکن.
اقتصادی ایش بیلرمان ظاهر بهزاد نینگ سلام‌وطندار گه ایتیشیچه، افغانستان چابهار بندری دن فایده‌لنگن حالده، افغانستان نینگ پاکستان کراچی بندری گه باغلیق‌لیگینی کمه‌یتیریب و افغانستان نینگ اقتصادی وضعیتی اوستیگه مثبت تاثیر قیلیشی ممکن.
او نینگ کوپه‌یتیریشیچه: «بو یول افغانستان سوداگرلری نینگ کراچی بندری گه باغلیق‌لیگینی کمه‌یتیریب و سوداگرلیک توارلرینی آشیره‌دی.»
افغانستان انچه ییل دن بیری چابهار بندری آرقه‌لی سوداگرلیک حجمینی آشیریش مقصدیده سعی‌وحرکت قیلماقده.
پاکستان بیلن هندوستان نینگ رقابت‌لری طفیلی، بو مملکت چابهار بندری آرقه‌لی صادرات حجمینی کوپه‌یتیریشی کوتیلر ایدی؛ لیکن بوتوغریده حاضرگچه جدی اقدام قیلمه‌گن.
ایش بیلرمان‌لر نینگ ایشانچی گه کوره، چابهار بندری افغانستان سوداگرلری اوچون اونملی بولسه ده، لیکن موجود قیینچیلیک‌لر اولکه‌لر تامانیدن حل ایتیلیشی کیره‌ک.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان عبدالنصیر رشتیا، ایران نینگ دنیا بیلن سیاسی قینچیلیگی و افغانستان یوزی گه چابهار بندری ستندرد شکلده آچیلیشی اوچون هندوستان و ایران نینگ دقت‌سیزلیگینی، افغانستان سوداگرلری برابری ده‌گی قیینچیلیک‌لر دن عنوان قیله‌دی.
او نینگ سلام‌وطندار گه ایتیشیچه: «افسوس بیلن چابهار بندری ده حاضر هم بعضی قیینچیلیک‌لر بار، ایران نینگ دنیا بیلن سیاسی مشکلی بار، سابق امضالنگن بیتیم اساسیده اوشبو بندر ده سرمایه یاتقیزیلیشی ممکن ایدی، ایران و هندوستان قولی‌لیک یره‌تیلیشی اوچون سرمایه یاتقیزیش‌لری کیره‌ک، لیکن افسوس بیلن حاضرگچه سرمایه یاتقیزیشمه‌گن.»
حاضر افغانستان دنیا گه سوداگرلیک توارلرینی یالغیز پاکستان یولی آرقه‌لی انتقال بیره‌دی، انده_سنده ایکی مملکت دولت‌لری آره‌سیده سیاسی قیینچیلیک تاپیلسه، بو یول سوداگرلیک توار و یولاوچیلر یوزی گه یاپیلیب و افغانستان سوداگرلری کوپ زیان کوره‌دیلر.
