تیمیر یول ادارهسی مسئوللری نینگ ایتیشلریچه، افغانستان تیزلیک بیلن ایران نینگ چابهار بندری گه باغلهنیشی ممکن.
مذکور ریاست سرپرستی بختالرحمان شرافت، ایران مملکتی رسمیلری بیلن اوچرهشگنیدن کیین، اوتگن جمعه کونی، ۱۰-سنبله، توییتر صحیفهسیگه بیر بیانیه ترقهتیش بیلن تیزلیککه افغانستان نینگ، نیمروز میلک تیمیر یولی و زاهدان تیمیر یولی آرقهلی، چابهار بندری گه باغلهنیشیدن خبر بیرگن.
بیزلرنینگ فیسبوک صحیفهمیزگه باش اورینگ!
اوتگن هفته سهشنبه کونی باشلنگن اوشبو اوچرهشووده، افغانستان بوییچه ایران نینگ یول و شهرسازلیک وزیرلیگی مخصوص نمایندهسی میرشفیع گه کوره، مذکور پروژه نینگ عمل گه آشیریلیشی اوچون ایران، چابهار-زاهدان تیمیر یولی ایشی نینگ باشلهگن.
اونینگ ایتیشیچه: «اوشبو پروژه ایشی نینگ تیزلیککه یکونلنیشی خصوصیده انیق نیتیمیز بار و ایکی مملکت آرهسیده باشقه تیمیر یولی رابطهسی برقرار بولیشی اوچون شونینگدیک افغانستانلیک تامانی نیمروز ولایتی میلک بندری چیگره تیمیر یولی ایشی نینگ باشلهگن.»
عین حالده، اقتصادی ایش بیلرمانلردن شاکر یعقوبی، چابهار-زاهدان-نیمروز میلک تیمیر یولی پروژهسی نینگ عمل گه آشیرلیشی نی فایدهلی بولگنی خصوصیده تاکیدلب ایتیشیچه، اوشبو پروژه نینگ عمل گه آشیریلیشی بیلن افغانستان تجارتی نینگ انحصاردن چیقیشی ممکن. «افغانستان نینگ ینگی ترانسپورتی یوللر گه باغلهنیشی، اوشبو مملکت اقتصادی نی کینگهیتیرهدی و افغانستان نی دنیا نینگ اونملی بازارلری گه باغلهیدی و انتقاللر کوپهیهدی.»
شونینگدیک اقتصادی ایش بیلرمانلردن باشقه بیری شبیر بشیری نینگ ایتیشیچه، افغانستان نینگ ایران چابهار بندری بیلن باغلهنیشی، تجاری المشتریشلریده اضافی صرف-خرهجتلر نینگ کمهیتیرهدی.
بیزلرنینگ توییترده هم تعقیب قیلینگ!
صناعت و سوداگرلیک وزیرلیگی آماری اساسیده، جاری ییل نینگ باش تورت آییده، افغانستان نینگ ایران بیلن ۵۱۲ میلیون دالرلیک تجاری المشتیریشلری بار ایکن.
ایتیش کیرهک که، افغانستان تیمیر یولی رئیسی بیر هیئت ییتکچیلیگیده خواف-هرات تیمیر یولی نینگ اوچینچی قطعهسیدن انتقال بیریلهدیگن نرسهلر نینگ تیزلنتیریلیشی، تیمیر یولی ادارهسی ایشلاوچیلری گه موقتی فنی تعلیملر ارائهسی و ایران گه ایکی تامانلیک همکارلیکلر رواجلنیشی خصوصیده صحبت قیلیش اوچون، ۶-سنبله ایران گه سفر قیلگن دیر.