ایران چابهار بندری ۱۳۹۶- ییل ۱۲ قوس ده بیر میلیارد دالر سرمایه یاتقیزیلیشی بیلن ایران جمهور رئیسی تامانیدن آچیلدی. اوشبو بندر ایران نینگ سیستان و بلوچستان ولایتیده جایلشگن و افغانستان، هندوستان و ایران نی بیربیراولری بیلن وصل قیله‌دی، بیراق ۳۶ آی اوتیش بیلن هم اوشبو مسیر سوداگرلر اوچون مناسب یولگه اوزگرمه‌گن.
سلام‌وطندار اختیاریگه قرار تاپگن حجت‌لرگه کوره، چابهار بندری آچیلگنیدن سونگ، پاکستان مذکور بندر قتناو یولی‌نی ناتنیچ قیلیش اوچون سعی و حرکت قیلگن.
افغانستان حکومتی مسوول‌لری، هردایم چابهار نی پاکستان نینگ «گوادر» بندری گه مناسب بدیل عنوان قیلگن‌لر و چابهار رواجلنگنیدن سونگ، کراچی بندری‌گه بولگن وابسته‌لیک کمه‌یشی‌نی ایتگنلر.
سلام‌وطندار اختیاریگه قرار تاپگن معلومات‌لرگه کوره، چابهار بندری آچیلگنیدن سونگ، «نیمروز۶۶» قتناو یول سابقه‌سیز شکلده ناتینچ بولگن.
اوشبو قتناو یول شمال غربی ناحیه‌دن اسلام‌قلعه و تورغندی سوداگرلیک چیگره‌سینی قندهار-هرات قتناو یولی بیلن وصل قیله‌دی و جنوب غربی نقطه‌نظردن ایران بیلن چیگره داش بولگن نیمروز ولایتی نینگ چخانسور تومنی‌نی اوشبو قتناو یولگه باغله‌یدی.
افغانستان سوداگرلیک تواری نینگ کته بیر بولیمی ایران و پاکستاندن وارد بوله‌دی و انه‌شو یولدن اوته‌دی. قولگه کیلگن معلومات‌لرگه کوره، چابهار بندری افتتاح ایتیلگنیدن سونگ، نمیروز۶۶ قتناو یولی نی تخریب قیلیش پاکستان نینگ اصلی مقصدی دن بولگن؛ بیرقطار منبع‌لرگه کوره، خاشرود-دلارام قتناو یولی کامل صورتده تخریب بولگن و بو قتناو یولده بولگن بوتون تاسیسات‌لر پاکستان دستوری آرقه‌لی طالبان تامانیدن نابود قیلینگن.
ایکی ییل آلدین خاشرود-دلارام قتناو یولیده هر ۵ کیلومتر ده بیر پوسته کورینه‌ریدی، بیراق مدافعه وزیرلیگی امنیتی کوچلر تلفاتی‌گه توسیق بولیش اوچون مذکور پوسته‌لرنی توپلب و ملی اردو تولی شامل ۴ قرارگاه گه اوزگرگن.
نیمروز ولایتیدن محلی منبع‌لرنینگ ایتیش‌لریچه، اوتگن ایکی ییل جریانیده طالبان جنگریلری پاکستان حمایتی آرقه‌لی خاشرود-دلارام قتناو یولیده بولگن ۳ قرارنی تصروف قیلگن و سونگی قرارگاه هم نیچه هفته آلدین طالبان نظارتی‌گه اوتگن و آتیشمه عاقبتیده، ملی اردو عسکرلریدن ۲۳ ته‌سی هلاک ایتیلگن.
نیمروز ولایتی کینگش عضوی نعمت‌الله صدیقی نینگ ایتیشیچه، مذکور قتناو یولده بولگن ۴ قرارگاه جمله‌سیدن یالغیز بیر تولی خاشرود تومنی نینگ «منار» منطقه‌سیده قالگن. جناب صدیقی‌گه کوره، طالبان گروهی ۴ کون آلدین قوم بویوکلری آرقه‌لی منار منطقه‌سیده بولگن ملی اردو کوچلریگه مذکور قرارگاه نی ترک قیلیش اوچون ۱۰ کون زمان بیرگن و ترک قیلمه‌گن صورتده، دهمزنگ قرارگاهی سرنوشتی بیلن روپه‌ره بولیش‌لریدن آگاه‌لنتیرگن.
نیمروز ولایتی کینگش اوشبو عضوی‌گه کوره، نیمروز ۶۶ نمبرلی قتناو یولی کامل صورتده تخریب بولگن و هیچ‌بیر سوداگر سوداگرلیک توارلرینی بو یول دن انتقال بیرمه‌یدی.
دلارام تومنی ولسوالی شهنواز قادری نینگ مذکور قتناو یول تخریب ایتیلگنی نی تصدیق‌لب سلام‌وطندارگه ایتیشیچه، اوشبو قتناو یول کامل صورتده، طالبان نظارتی‌گه اوتگن. دلارام ولسوالی گه کوره، دلارام-زرنج قتناو یولی ۲۰۰۹- ییلئخ هندوستان یاردمی بیلن ۱۰۰ میلیون دالر هزینه آرقه‌لی قوریلگن ایدی. جناب قادری نینگ کوپه‌یتیریشیچه، طالبان گروهی مذکور قتناو یول و کوپریک‌لرنی ماین جایلشتیریلش بیلن تخریب قیلگن.
ایتیلیشیچه، اوتگن ۲ ییل جریانیده هیچ‌بیر دولت ایشلاوچیسی اوشبو قتناو یولدن اوتمه‌‌گن.
نیمروز ولایتی بوییچه صناعت و سوداگرلیک اتاقی باشلیغی عبدالله نورزی نینگ سلام‌وطندارگه ایتیشیچه، طالبان گروهی مذکور قتناو یول قطار منطقه‌لریده گمرک ایجاد قیلگن. اونینگ ایتیشیچه، طالبان جنگریلری بنا قوریش ماده یوکلنگن هر بیر موتر دن ۳۵ مینگ افغانی و ییگولیک ماده یوکلنگن هر بیر موتر دن ۳ دن باشلب ۵ مینگ افغانی پول آله‌دی.
چیگه‌ره اوتامانیده تجارتی مال‌لر اوچون مناسب ییر بولمه‌گنی و نمیروز – ایران آره‌سیده کوپریک یوقلیگی، سوداگرلر نینگ اینگ بویوک قیین‌چیلیک‌لریدن حساب لنه‌دی و انه شوباعث سوداگرلر تجارتی مال انتقال بیریش ده جرئت قیلمه‌یدیلر.
اقتصادی ایش بیلرمانلر نینگ سوزیگه کوره، افغانستان خلق ارا سولر گه ایریشیشده چابهار جوده اونملی بولگن. اقتصادی ایش بیلرمانلر نینگ کوپه‌یتیریشیچه، افغانستان وارداتی بیر اولکه بولگن و اولکه ایچیده تولید قیلیش اوچون خلق ارا سولرگه قول تاپیشی لازم و انه شوباعث چابهار اینگ مناسب ورینت (گزینه) بولگن، چابهار، اسلام آباد قرشی سیده هم یخشی ورینت و عین حالده جنوبی آسیانی مرکزی آسیا بیلن هم باغله‌یدی.
زرنج دن خاشرود گه
نیمروز ولایتی نینگ چابهار بندری قتناو یولیده ناتینچ‌لیک‌لر کوپه‌یگنی باعث، حکومت نیمروز ولایتی نینگ مرکزینی زرنج شهریدن خاشرود تومنی گه انتقال بیریش نی ایسته‌یدی.
نیمروز ولایتی ولایت مقامی مطبوعات دفتری نینگ سرپرستی بهرام حقمل گه کوره، خاشرود – دلارام قتناویولی ناتینچ بولگن، لیکن حکومت نمیروز ولایتی نینگ مرکزی نی خاشرود تومنی گه انتقال بیریب و خاشرود – دلارام قتناویولینی تأمین قیلیش ده تلاش قیله‌دی.
جناب حقمل نینگ سوزیگه کوره، قطار قوشنی اولکه‌لر نیمروز ولایتی نینگ نمبر ۶۶ قتناویولینی نایتنچ قیلیش بیلن چابهار بندریدن مال آلیب کیله دیگن سوداگرلر ایشی گه توسیق بولیش ده تلاش قیله دیلر.
جناب حقمل گه کوره، حاضر نیمروز ولایتی نینگ مرکزی زرنج شهری ایران چیگه ره سیگه جوده یقین بولگن و نیمروز مرکزی خاشرود تومنی گه انتقال تاپگن حالده زرنج بویوک بندرگه اوزگریب و خاشرود – دلارام قتناویولی هم امین بولیشی ممکن. اونینگ سوزیگه کوره، کوپ یقینده اداری مرکزلر نینگ توزلیش طرحی تمام لنیشی ممکن.
باشقه قیینچیلیکلر
نمیروز ولایتی چابهار قتناویولی نینگ امنیتی قیین‌چیلیگی یانباشیده باشقه قیینچیلیکلر هم بولگن و اوشبو قیینچیلیکلر افغانستان سوداگرلری اوچون اوشبو بندر تینچ یول بولمس لیککه سبب بولگن.
هرات ولایتی سودا اطاقی باشلیغی یونس قاضی‌زاده سلام‌وطندار گه ایتیشیچه، حاضر گچه چابهار بندری “خلق ارا یوک تاشیش کیمه‌لری اوچون) مناسب یولگه اوزگرمه‌گن. جناب قاضی‌زاده گه کوره، چابهار بندریده ترانزیتی موترلر یوقلیگی و اروپا و آمریکا کیمه‌لری کیتیب – کیلیش زمانی بیللی بولمه‌گنی اینگ بویوک قیین‌چیلیک‌لردن حسابلنه‌دی.
هرات ولایتی سرمایه یاتقیزیش و سودا اطاقی نینگ باشلیغی گه کوره، گرچند چابهار افغانستان گه اینگ یقین بندر بولگن و اوچ چیگه ره گوره ” میل۷۸، ابونصر فراهی و دوغارون افغانستان” و بندر عباس گه کوره یقین بولگن، لیکن اوشبو بندر گه سرمایه یاتقیزیلیش بیلن سوداگرلر قیین‌چیلیگی حل ایتیلیشی لازم.
هرات ولایتی صنعت و کانلر اطاقی نینگ باشلیغی حمیدالله خادم گه کوره، آمریکا متحدلری بیلن ایران آره‌سیده‌گی قیینچیلیکلر باعث چابهار بندری چیتده قالیش گه سبب بولگن. جناب خادم سلام‌وطندار گه ایتیشیچه، آمریکا و متحدلری، ایران چابهار بندریدن درآمد قولگه کیلتیریش نی ایسته‌مه‌یدیلر.
هرات ولایتی صنعت و کانلر اطاقی باشلیغی نینگ ایتیشیچه، پاکستان اولکه سی نینگ کراچی بندریده‌گی قوله‌یلیک‌لر چابهار بندریده بولمه‌گن و انه شوباعث سوداگرلر چابهار بندری دن تجارتی مال وارد قیلیش نی ایسته‌مه‌یدیلر.
جناب خادم گه کوره، چابهار بندری نینگ باشقه بیر قیین‌چیلیگی، خلق ارا کیمه‌لر تجارتی مال‌لرنی توشیرگنیدن کیین صادر قیلیش اوچون تجارتی کالا بولمه‌گنی دیر، لیکن بوندی قیین‌چیلیک کراچی بندری ده بولمه‌گن. اونینگ کوپه‌یتیریشیچه، چابهار بندری اوستیدن نیچه اولکه کیلیشونامه امضاله مه‌گن حالده سوداگرلر تجارتی مال‌لرینی اوشبو بندرن انتقال بیریشده تیار بولمه‌یدیلر.
سوداگرلر نینگ ایتیش لریچه، بوندن ۲ ییل آلدین تجارتی مال یوکلنگن بیر موتر هرات کابل گه ۷ کونده کیلیدی، لیکن حاضر قتناو یول بوزیلگنی اوچون موتر ۱۵ الی ۲۰ کونده کیله دی.
اقتصادی ایش بیلرمانلر گه کوره، نیمروز ولایتی چابهار بندری قتناویولی نینگ قیین چیلیگی حل بولیشی ممکن و چابهار بندری باشقه بندرلرگه کوره ارزان تمام بولیشی ممکن.
بوندن آلدین افغانستان – هند نینگ سوداگرلیک مالی هوای یوللر آرقه‌لی تامین ایتیلر ایدی و جمهور رئیس محمد اشرف غنی بوندن بویان افغانستان هوای یولگه باغلیق قالمه ی و باشقه یوللردن هم استفاده قیلیشی اوستیده تاکید ایتگن.
