پاکستان ده انسانحقوقی بیر نهاد، افغانستانلیک قاچقینلر وضعیتی نی تیکشیریش خصوصیده مذکور مملکتده بیر ییغین یولگه قوییگن. اوشبو ییغینده اَیریم مملکتلر و بیرلشگن ملتلر تشکیلاتی قاچقینلر ایشلری بوییچه عالی کمیساری نینگ بیر قطار نمایندهلری، پاکستان حکومتی رسمیلری و افغانستانلیک مدنی فعاللردن قطاری شرکت قیلیب و پاکستان ده افغانستانلیک قاچقینلر نینگ بحرانی وضعیتی نی تیکشیرگنلر.
مذکور ییغینده بیرلشگن ملتلر تشکیلاتی قاچقینلر ایشلری بوییچه عالی کمیساری نمایندهسی نینگ ایتیشیچه، پاکستان افغانستانلیک قاچقینلر توغریسیده سیاستی نی اوزگرتیریشی کیرهک. «بیز توغریدن توغری قاچقینلر بیلن علاقهدهمیز و برچه خذمتلریمیزنی اولرنی اختیاریده قویهمیز، ۲۰۲۲-ییلدن بویان بیزگه مهاجرت حجتینی بیریش صلاحیتی یوق، بو حجت ایسه حاضر پاکستان حکومتی تامانیدن بیریلهدی. بیز پاکستان حکومتی نینگ قاچقینلر گه قرشی سیاستی اوزگریشی نی ایستهیمیز.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، اوشبو ییغین گه شرکت قیلگنلردن قطاری، افغانستانلیک قاچقینلر برابریده پاکستان یاندهشوویدن تنقیدلب ایتیشلریچه، پاکستان اوشبو مملکتدهگی قاچقینلر وضعیتی حقیده ینگی بیر لایحه خصوصیده ایشلشی کیرهک.
مذکور ییغینده پاکستان نمایندهلر مجلسی نینگ سابق عضوی افراسیاب ختک نینگ ایتیشیچه: «پاکستانده افغانستانلیک قاچقینلر کیلیشیدن قیرق ییلدن کوپراق زمان اوتماقده، بو ییللر آرهسیده قاچقینلر پاکستان اهالیسی بیلن یخشی علاقه قورگن و قاچقینلر خصوصیده ینگی ایشلر بجریلیشی درکار.»
باشقه بیر تاماندن، اوشبو ییغین گه شرکت قیلگن پاکستان ده افغانستانلیک قاچقینلر نمایندهسی رازمحمد سلیمانخیل نینگ ایتیشیچه، بو ییغین پاکستان دهگی افغانستانلیک قاچقینلر نینگ وضعیتی نی تورلی جهتلردن تیکشیریش و صحبت قیلیش امکانی نی بیرگن دیر.
اونینگ کوپهیتیریشیچه، مذکور ییغینده شرکت قیلگنلر، پاکستان دن قاچقینلر نی جبردن چیقریلیش پروسهسی نینگ تیزلیککه توختهتیلیشی نی ایستهگنلر. «ایریم مهاجرلر حجتلری بولسه هم قماققه آلینگن، بولرنی بو خصوصده انیق بیر پالیسیسی یوق و خواهلهیمیز توتقینلرنی آلدی آلینیب، مهاجرلرنی جبری چیقاریلیشیگه نقطه قوییلسین.»
بیزلرنینگ فیسبوک صحیفهمیزگه باش اورینگ!
بوندن آلدین بیر قطار خلقارا نهادلر، قیش موسومی و افغانستان اهالیسی نینگ یامان اقتصادی وضعیتده قرار تاپگنیده، قوشنی مملکتلر اینیقسه پاکستان دن افغانستانلیک قاچقینلر نینگ جبردن چیقریلیشی نی خواطرلی بولیشی ممکن دیگنی بیرحالده، بو ییغین یولگه قوییلگن.
ینگیلیکده خلقارا قاچقینلر تشکیلاتی نینگ یازیشیچه، پاکستان حجتسیز قاقچقینلر نینگ چیقریش پروسهسی نی بیان قیلگنیدن بویان، اوتگن تورت آیده ۵۰۰ مینگدن آرتیق افغانستانلیک قاچقین افغانستان گه قیتگن دیر.