تورکیه، آذربایجان و گرجستان مدافعه وزیرلری‌نینگ ۱۳نچی اوچ تامانلمه ییغیلیشی آذربایجان‌نینگ «شوشا» شهریده بولیب اوتدی.
آنادولو گه کوره، اوشبو ییغیلیش ۱۰ میزان/۲ اکتوبر، جمعه کونی آذربایجان‌نینگ «شوشا» شهریده بولیب اوتگن و تامانلر اوشبو ییغیلیش‌ده حربی و مدافعه ساحه‌لریده‌گی همکارلیک و منطقه‌ده‌گی خوفسیزلیک‌نی مستحکم‌لش حقیده بحث ایتگنلر.
ییغیلیش، آذربایجان جمهوریتی مدافعه وزیری ذاکر حسن‌اوف میزبان‌لیگی همده تورکیه ملی مدافعه وزیری یاشار گولر و گرجستان مدافعه وزیری ایراکلی چیکووانی اشتراکی بیلن اوتکزیلگن و مذکور اوچ مملکت مدافعه وزیرلری حربی ساحه‌‌ده‌گی همکارلیک‌لرنی محاکمه قیلیب و یکون‌ده ییغیلیش پرتکولینی امضاله‌گنلر.
ذاکر حسن‌اوف، ییغیلیش‌دن سونگ ژورنالیست‌لر بیلن اوتکزگن صحبتیده، اوشبو اوچره‌شوو باکو، انقره و تفلیس اورته‌سیده‌گی دوستانه مناسبت‌لر، شیریک‌لیک و استراتیژیک ملاقات‌نینگ یقال افاده‌سی ایکنینی تأکیدله‌گن. اونینگ سوزلریگه کوره، اوچ تامانلمه همکارلیک فارمتی منطقه‌ده برقرارلیک، خوفسیزلیک و رواجلنیش‌نی تأمینلش اوچون مهم پلتفرمه حسابلنه‌دی.
