اسلام امیرلیگی تشقی ایشلر وزیرلیگی‌نینگ نشرات و اخبارات باشلیغی ضیااحمد تکل سلام‌وطندار بیلن صحبتده، تشقی ایشلر وزیری مولوی امیرخان متقی، رسمی اعضا صفتیده فرمت مسکو سکیزینچی ییغیلیشیده اشتراک ایتیشینی معلوم قیلدی.
اسلام امیرلیگی فواید عامه وزیرلیگی، ۷۹۰ مینگ ۷۴۱ متریک تُن یوک، افغانستان‌نینگ تیمیر یوللری آرقه‌لی تشیلگنیدن خبر بیردی.
اجتماعی ترماق‌لر و آنلاین مسینجرلردن فایده‌لنیش‌نینگ کینگه‌یشی آدملر اورته‌سیده‌گی علاقه‌نی آسانلشتیرگن؛ بیراق شو بیلن بیرگه، مجازی ترماق‌لرده‌گی ایریم ناتوغری خطی-حرکتلر آدملرنی خواطر گه سالیشی، بیزاوته قیلیشی همده اولرنینگ حقوق و شخصی حریمی گه ضرر ییتکزیشی ممکن. آنلاین آزارواذیت، ایستلمه‌گن خبرلر یوباریش، تکرار بیزاوته‌لیک، حقارت، تهدید، تورلی اکونت‌لر و تلفون رقم‌لری آرقه‌لی بیزاوته قیلیش یا کی شخص گه عاید معلومات‌لردن ناتوغری فایده‌لنیش شکلی‌ده نمایان بولیشی ممکن.
قوللب-قوتلاوچی تشکیلات‌لرنینگ یاردمی طفیلی افغانستان گه قیتگن ایریم عیاللر ایش‌سیزلیک و اقتصادی قیینیچلیک‌لرنی باشدن کیچیرگنلریدن سونگ، اوز کونیکمه(مهارت)لریدن فایده‌لنیب، کیچیک تجارت‌لرنی یولگه قوییش امکانیگه ایگه بولگنلر.
روسیه حربی کوچلری، خارکیف شهری‌نینگ ایکی منطقه‌سیگه باشقریله‌دیگن بمب‌لر بیلن هجوم قیلگن و اونینگ نتیجه‌سیده ایکی کیشی اولگن و ینه ۳۳ کیشی یره‌لنگن.
اسرائیل حربی کوچلری‌نینگ غزه گه ینگی هجوملری عاقبتیده چمه‌سی بیش کیشی اولیب و ینه آلتی کیشی یره‌لنگن.
آنادولو گه کوره، اوشبو ییغیلیش ۱۰ میزان/۲ اکتوبر، جمعه کونی آذربایجان‌نینگ «شوشا» شهریده بولیب اوتگن و تامانلر اوشبو ییغیلیش‌ده حربی و مدافعه ساحه‌لریده‌گی همکارلیک و منطقه‌ده‌گی خوفسیزلیک‌نی مستحکم‌لش حقیده بحث ایتگنلر.
