اسرائیل حربی کوچلری‌نینگ غزه گه ینگی هجوملری عاقبتیده چمه‌سی بیش کیشی اولیب و ینه آلتی کیشی یره‌لنگن.
خلق‌ارا ییتکرمه‌لر، بوگون (۱۱ میزان/۳ اکتوبر، شنبه)ترقه‌تگن خبرلریده، اسرائیل حربی کوچلری غزه شهری‌نینگ «رمال» حدودلریده تورر جای بناسیگه هوا آرقه‌لی هجوم اویوشتیرگنی حقیده خبر بیردیلر.
معلومات‌لر گه کوره، اسرائیل‌نینگ غزه شهریگه اویوشتیرگن ینگی هجوملریده تورت عیال قربان بولگن. اسرائیل و حماس میلادی ۲۰۲۵-ییل ۱۰ اکتوبرده صلح قیلگن بولسه-لرده؛ بیراق اسرائیل هجوملریگه همان دوام بیرماقده.
فلسطین ساغلیق‌نی سقلش وزیرلیگی‌نینگ معلوماتیگه کوره، آتیش کیسین کیلیشووی‌دن سونگ اسرائیل حربی کوچلری‌نینگ غزه شهریگه هجوملریده بیر مینگ ۴۳۹ کیشی هلاک بولگن و ینه بیش مینگدن آرتیق کیشی ایسه یره‌لنگن.
