اسرائیل ملی خوفسیزلیک وزیری ایتامار بنگویر، بو مملکت حربی کوچلری هر کیچه غزهده ۳۰ دن ۴۰ کیشینی اولدیریب و هجوملرینی غزه مقیاسیده کینگهیتیریشی کیرهک دییدی.
خلقارا ییتکرمهلر، بوگون (۲۶ اسد/۱۷ آگست، دوشنبه) ترقهتگن خبرلریده، بنگویر بو سوزلرنی غزهده سابق تورمهخانهده بولگن اسرائیل فقراسی روم براسلاوسکی بیلن صحبتده ایتگن.
بنگویر شونینگدیک، غزهده فلسطینلیکلر ریجهلی طرزده ترور ایتیلیشی کیرهک دیگن. او شوندهی دییدی: «او ییرده یششگه لایق بولمهگن آدملر بار. اولر تیریک قالمسلیگی کیرهک. اولر حتا انسان هم ایمس.»
او شونینگدیک، اسرائیل باش وزیری بنیامین نتانیاهو، «آتش کیسین» کیلیشووی اساسیده غزهده حربی هجوملر کمهیشی اوچون قراریگه قرشیلیک کورستگن.
بنگویر، ریجهلی ترور ایتیلیشلر باشلنیشینی سورهب و بو هجوملر فقط اوشه لحظهده تهدید حسابلنگن کیشیلر گه چیکلنیب قالمسلیگی کیرهک دیگن.
بنگویر اسرائیل اردوسیگه رسمی قوماندانلیک اختیاری یوق و شخصاً هجوم قیلیش حقیده بویروق بیره آلمهیدی. بیراق او، اسرائیل خوفسیزلیک کابینهسی اعضاسی و بو کابینه مملکتنینگ اوروش و خوفسیزلیک سیاستینی بیلگیلشده مهم رول اوینهیدیگن، یوقاری مرتبهلی وزیرلردن تشکیل تاپگن ارگان دیر.
