اوکراین رسمیلری، اوشبو مملکتنینگ بیر قطار بولیملریگه روسیه آرقهلی اویوشتیریلگن راکته و پهپادی هجوملر نتیجهسیده، کمیده آلتی کیشی اولیب و ۴۷ کیشی یرهلنگنینی معلوم قیلگن.
الجزیره خبری ترماغینینگ بوگون (۵-اسد/۲۷-جولای، دوشبنبه)، گزارش بیریشیچه، روسیه کییف، چرنیهیف، زاپوریژیا و خارکیف شهرلرینی نشانگه آلگن.
شونینگدیک اوکراین هوا کوچلرینینگ اعلام قیلیشیچه، روسیه کیچه تامان اویوشتیرگن هجوملری جریانیده، ییتی ته بالستیک راکته و ۱۳۶ ته پهپادنی اوکراین تامان آتگن.
بوندن آلدین بیرلشگن ملتلر تشکیلاتی، ۲۰۲۶-ییل باش آلتی آییده روسیه هجوملری عاقتبیده، اوکراین ده بیر مینگ ۳۹۶ کیشی اولیب و ییتی مینگ ۹۷۸ کیشی یرهلنگنینی ایتگن ایدی.
روسیه و اوکراین اوروشی، ۲۰۲۲-ییل فبروری آییده باشلهنیب و حاضرگچه دوام قیلماقده. آتیش کیسیننینگ برقرار بولیشی اوچون خلقارا سعیوحرکتلر حاضرگچه نتیجه بیرمهگن.
