اوکراین اردوسی، روسیه پایتختی مسکو و اونینگ اطرافیدهگی حدودلرگه ۴۰۰ ته دران بیلن هجوم قیلگن.
ییتکرمهلرنینگ معلوماتیگه کوره، اوکراین ۲۸ سرطان/۱۹ جولای، شنبهدن یکشنبه گه اوتر کیچهسی بو هجوملرنی اویوشتیرگن و اونینگ نتیجهسیده ایکی کیشی یرهلنیب و بیرقطار بنالرده یانغین چیققن.
معلوماتلر اساسیده، بو هجوملر کوپراق مسکو اطرافیدهگی پودولسک، دوموددوو و اودینتسوو حدودلریده قید ایتیلگن و اونینگ نتیجهسیده ایکی کیشی یرهلنگن همده آست قوریلمهلر گه یانغین چیققن و اولر گه ضرر ییتگن.
ییتکرمهلر، مسکو بلدیه باشلیغی سرگئی سوبیانین گه اساسلنیب ایتیشلریچه، اوکراین اردوسی تامانیدن اوچیریلگن درانلرنینگ اکثریتی مدافعه تیزیملری آرقهلی هواده یوق قیلینگن و اولردن ۸۵ تهسی مسکو گه یقینلشهیاتگن وقتده اوریب توشیریلگن.
روسیه مدافعه وزیرلیگی ایسه، تون دوامیده روسیه حدودلری، قاره دینگیز و آزوف دینگیز اوستیده، اوکراین گه تیگیشلی ۳۸۱ ته دران مدافعه تیزیملری تامانیدن اوریب توشیریلگنینی بیلدیرگن.
بوندن ایلگریراق، روسیه حربیلری قاره دینگیزده اوکرایننینگ اودسای ساحللری یقینیده خلقارا یوک کیمهسیگه ضربه بیریش عاقبتیده کمیده بیش نفر خدمه هلاک بولگنی ایتیلگن ایدی.
