حماس، غزهده صلح کیلیشووی اوچون بو گروهنینگ ییریک مذاکره قیلووچیلریدن بولگن خلیل الحیه، ایچکی سیلاوده ینگی رهبر صفتیده تنلنگنینی بیلدیرگن. او، میلادی ۲۰۲۴-ییل، اکتوبر آییده غزهده اسرائیل اردوسی تامانیدن اولدیریلگن یحیا سنوار اورنیده تنلنگن. الحیه، بوندن ایلگری غزهده حماسنینگ سیاسی ادارهسینی رهبریت قیلیب و غزهده صلح کیلیشووی اوچون مذاکره قیلووچی تیمنینگ ییریک اعضاسی بولگن.
دییرلی سونگی تورت آی دوامیده، «دیورند چیزیغی» بویلب اسلام امیرلیگی حربی کوچلری و پاکستان اورتهسیدهگی توقنشوولرده، پاکستان اردوسی بیرقطار یشش حدودلر گه هجوم اویوشتیردی و اونینگ نتیجهسیده مینگلب عایله اوی-جایلرینی ترک ایتیشگه مجبور بولدی.
دایکندی ده نسایی-ولادی شفاکارلرینینگ آگاهلنتیریشیچه، حاملهدارلیکده آنهنینگ تنه سووی کملیگی جنینگه قان جریانی و اکسیژن انتقال تاپیشینی کمهیتیریب و چقهلاق توشیشی، وقتدن آلدین دنیا گه کیلیشی، جنین رشدی کمهیشی، قبضیت و فشار پس توشیشی خوفینی کوپهیتیرهدی.
غور ده ییلاولرگه کوچیش یالغیز موسومی بیر عادت ایمس، بلکیم چاروهچیلرنینگ اقتصاد و تیریکچیلیگی بوییچه مهم بولیم حسابلنهدی. چاروهچیلرنینگ ایتیشلریچه، مذکور آز مدتده سنتی لبنیات ییغیش و تیارلش بیلن عایلهلرینینگ ییللیک نیازلری بیر بولیمینی تامین قیلهدیلر.
بیرلشگن ملتلر تشکیلاتینینگ قاچقینلر ایشلری بوییچه عالی کمیسارلیگی افغانستان بولیمیگه کوره، سویس ایکی میلیون ۴۰۰ مینگ دالر بو مملکتگه یاردم بیرگن.
اوکراین اردوسی، روسیه پایتختی مسکو و اونینگ اطرافیدهگی حدودلرگه ۴۰۰ ته دران بیلن هجوم قیلگن. ییتکرمهلرنینگ معلوماتیگه کوره، اوکراین ۲۸ سرطان/۱۹ جولای، شنبهدن یکشنبه گه اوتر کیچهسی بو هجوملرنی اویوشتیرگن و اونینگ نتیجهسیده ایکی کیشی یرهلنیب و بیرقطار بنالرده یانغین چیققن.
یقین شرقدهگی کیسکینلیکلر آرتیدن جهان نفت بازاریده نرخلر کیسکین کوتریلدی. سونگی معلوماتلر گه کوره، بوگون (۲۹ سرطان/۲۰ جولای، یکشنبه) بیر بشکه نفت ۹۰ امریکا دالریدن آشگن.
اوشبو ادارهنینگ سلاموطندار بیلن شریک قیلگن معلوماتیگه کوره، اوتگن هفته گه نسبتن بیر کیلو گاز نرخی ۱۹.۵ فایز، بیر لیتر پترول ۵.۴ فایز و بیر لیتر دیزیل ایسه ۶.۳ فایز کوتریلگن. مذکور اداره معلوماتی اساسیده، سرطان آیینینگ تورتینچی هفتهسیده بیر کیلوگاز ۷۲.۶ افغانی، بیر لیتر پترول ۷۷.۷ افغانی و بیر لیتر دیزل ایسه ۷۳ افغانی، کابل شهری بازارلریده ساتیلگن.
امریکا مرکزی قوماندانلیگی (سنتکام)، ایران گه قرشی بو مملکت حربی هجوملرینینگ کیتمه-کیت توقیزینچی کیچهسی یکونلنگنینی معلوم قیلگن.
ایران سپاه پاسداراننینگ اعلام قیلیشیچه، اوشبو مملکت جنوبیده جایلشگن هرمز بوغوزیده ایکی نفت تانکری پارتلهب و حرکتدن قالگن.
فوتبال عالمیده اینگ هیجانلی ۲۰۲۶-ییلگی جهان کپی ۲۳ دوری، اسپانیا فوتبال ملی تیرمه جماعهسینینگ قهرمانلیگی بیلن یکونلندی.
