یقین شرقدهگی کیسکینلیکلر آرتیدن جهان نفت بازاریده نرخلر کیسکین کوتریلدی. سونگی معلوماتلر گه کوره، بوگون (۲۹ سرطان/۲۰ جولای، یکشنبه) بیر بشکه نفت ۹۰ امریکا دالریدن آشگن.
معلوماتلر اساسیده، برنت خام نفت نرخی ۲.۳۷ فایز گه آشیب، بیر بشکه ۹۰.۱۹ امریکا دالریگه ییتگن. شو طریقه، ۱۱ جولایدن بویان ایلک بار ۹۰ دالردن آشگن. شونینگدیک، امریکانینگ WTI خام نفتی ایسه ۲.۰۷ فایز گه آشیب، ۸۴.۲۰ دالر گه ییتگن.
قید ایتیلیشیچه، نرخلرنینگ آشیشیگه امریکا و ایران اورتهسیدهگی حربی توقنشوولر کوچهیشی همده دنیادهگی اینگ مهم نفت یوللریدن بیری حسابلنگن هرمز بوغوزی یاپیلیشی سبب بولگن.
عینحالده، ایران اسلام انقلابی قوروقچیلری بوگون بیر بیانیه ترقهتیب، بو مملکت جنوبیده هرمز بوغوزیده ایکی کیمه پارتلهگنیدن خبر بیرگن.
ایران، امریکا منطقهده حربی عملیاتلریگه یکون یسمهگونچه بو یونهلیش ناتینچ قالیشی حقیده آگاهلنتیرگن.
