اسلام امیرلیگی احصائیه و معلومات ادارهسی، پایتخت کابل شهری بازارلریده «یاقیلغی مادهلر» نرخی آشگنیدن خبر بیردی.
اوشبو ادارهنینگ سلاموطندار بیلن شریک قیلگن معلوماتیگه کوره، اوتگن هفته گه نسبتن بیر کیلو گاز نرخی ۱۹.۵ فایز، بیر لیتر پترول ۵.۴ فایز و بیر لیتر دیزیل ایسه ۶.۳ فایز کوتریلگن.
مذکور اداره معلوماتی اساسیده، سرطان آیینینگ تورتینچی هفتهسیده بیر کیلوگاز ۷۲.۶ افغانی، بیر لیتر پترول ۷۷.۷ افغانی و بیر لیتر دیزل ایسه ۷۳ افغانی، کابل شهری بازارلریده ساتیلگن.
عینحالده، سرطان آیی اوچینچی هفتهسیده بیر کیلو گاز ۶۰.۸ افغانی، بیر لیتر پترول ۷۳.۷ افغانی و بیر لیتر دیزل ایسه ۶۸.۷ افغانی ایدی.
بیراق بازارده نرخلرنی کنترول و احتکار آلدینی آلووچی کمیسیونی، اوتگن هفتهدهگی نرخنامهده بیر کیلو گاز قیمتینی ۷۵ افغانی، بیر لیتر پترولنی ۸۲.۹۲ افغانی و بیر لیتر دیزل قیمتینی ۷۴ افغانی بیلگیلگن.
کابل بلدیهسی مسئوللری، بازارده نرخ-نوالر کنترول بولیشیگه تأکیدلب، بیلگیلنگن نرخدن یوقاری ساتهدیگنلر بیلن قانونی یاندهشیلیشی حقیده آگاهلنتیرگن.
