پایتخت کابل شهریده تیل و گاز ساتووچیلر همده موتر هیداوچیلردن ایریملری، اوتگن تورت کونگه نسبتن تیل و گاز نرخی سیزیلرلی درجهده آشگنینی معلوم قیلهدیلر.
کابل شهریده «تیل تانکی» ایگهسی عبیدالله گه کوره، ایلگری هر بیر کیلو گاز ۶۴ افغانی ایدی، بیراق سونگی کونلرده بو رقم ۷۴ دن ۸۰ افغانیگه آشگن.
حاضرگی کونده بیر لیتر دیزل تیلی ۷۳ افغانی و بیر لیتر پترول تیلی ۷۹ افغانیگه آشگنینی قوشیمچه قیلهدی، عبیدالله. او شوندهی دییدی: «بیر لیتر دیزل قیمتی ۶۲ افغانیدن ۷۳ افغانی و بیر لیتر پترول تیلی ۶۸ دن ۷۹ افغانی گه آشگن. قیمتلر آشیش احتمالی بار.»
شو بیلن بیرگه، هیداوچیلردن ایریملری تیل و گاز نرخی آشگنیدن شکایت قیلهدیلر و قیمتلیک ایشلریگه سلبی تأثیر قوییب و درآمدلری کمهیشیگه آلیب کیلگنینی معلوم قیلهدیلر.
کابل شهریده موتر هیداوچی فقیرمحمدنینگ ایتیشیچه: «اوتگن هفته گاز ۶۲ افغانی ایدی و ایندی ۷۴ افغانی، بیر لیتر پترول ۷۹ افغانی و دیزل ایسه ۷۷ افغانیگه آشگن.»
موتر هیداوچیلردن بولگن محمدکاظم شوندهی دییدی: «موتر هیداوچیلیک قیلهمن و مصرفنی تولدیره آلمهیمن، ایرتهلبدن آخشمگچه ۱۰۰ یا کی ۲۰۰ افغانی قالهدی و قالگنی مصرف اوچون صرفلنهدی.»
تیل و گاز ساتووچیلردن بیرقطاری، ایران و امریکا اورتهسیده اوروش قیته باشلنیشینی یاقیلغی مادهلر نرخی آشیشیگه سبب بولگنینی ایتهدیلر.
کابل شهریده گاز ساتووچی میلاد و علی اکبرنینگ ایتیشلریچه، گاز قیمت بولیشی ایشلریگه سلبی تأثیر قویگن.
میلاد شوندهی دییدی: «گاز قیمتی یقین شرقدهگی کیسکینلیک و سالنگ یونهلیشی یاپیلگنی سببلی آشگن، اوتمیشده ۵۴ افغانی ایدی ایندی ۸۹ افغانی گه ییتگن.»
علی اکبر هم شوندهی دییدی: «گاز و یاقیلغی مادهلر قیمت بولگن بیر کیلوگاز ۸۴ -۸۴ افغانی توشهدی و ۹۰ افغانیگه ساتیشگه مجبور میز و بیر هفته اول گاز قیمتی ۲۰ افغانی آشگن.»
کابل بلدیهسی مسئوللری، مملکت بازارلریده گاز و تیل نرخی آشگنینی تصدیقلب، بو اداره بازارنی دایمی نظارت قیلیش یانیده قیمتلرنی پس توشیریش اوچون سعی-حرکت قیلهیاتگنینی بیلدیرهدی.
کابل بلدیهسینینگ فرهنگ بوییچه مصلحتچیسی نعمتالله بارکزی شوندهی دییدی: «افسوس بیلن تیل قیمت بولگن، بیراق قیمتچیلیکلر گه قرهمسدن نرخنامهده بیلگیلنگن نرخلر عملگه آشیریلهدی و هیچ کیمنینگ یوقاری نرخده ساتیشگه حقی یوق. کیلهسی کونلرده قیمتلرنی پس توشیریش اوچون سعی-حرکت بولماقده.»
برچهسی بیلن، مملکت یشاوچیلری بازارلرده نرخ-نوالر نظارت و کنترول بولیشینی سورهیدیلر.
