پروان مرکزی چاریکار شهری یشاوچیلریدن قطاری ییگولیک ماده‌لر بهاسی یوقاری‌لیگیدن شکایت قیلیب ایتیشلریچه، هر دکاندار ماللری اوستیگه اوز ایستگیگه بناً نرخ قویه‌دی.
پروان مرکزی چاریکا شهری یشاوچیلریدن احمد‌صمیم نینگ سلام‌وطندار گه ایتیشیچه: «ییگولیک ماده‌لر بهاسی بیخی یوقاری کیتگن، پمیدار ۴۰ یا-ده ۵۰ افغانی ایدی، بیراق حاضر ایسه ۸۰ افغانی یا-ده ۱۰۰ افغانی بولگن. شونینگدیک یاغ هم قیمت بولگن، اون هم قیمت بولگن. بلدیه‌دن بازار ده نرخ_نوالر نظارت ایتیلیشی اوچون دقت قیلیشینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
شونینگدیک، چاریکار شهری یشاوچیلریدن باشقه بیری هارون گه کوره: «رمضان آیی‌دن آلدین بیر چارک پمیدار ۴۰ افغانی ایدی و حاضر ایسه ۱۰۰ افغانی بولگن. پیاز، کچالو و بوتون دستلبکی ماده‌لر نرخی یوقاری کیتگن. بلدیه نرخ گذارلیک قیلیب و بازار نی کنترول قیلیش‌لری کیره‌ک.»
شونده‌ی بیرحالده، چاریکار شهری بلدیه باشلیغی سیدنیکمل آغا نینگ سلام‌وطندار گه ایتیشیچه، صناعت و سوداگرلیک وزیرلیگی بیلن، توارلر و دستلبکی ماده‌لر نرخینی بیللی قیلیب و تورلی صنف‌لرده نرخ‌نامه تعینلش خصوصیده سعی و حرکت قیلماقده‌لر.
خارجی پول‌لر برابری ده افغانی پول نرخی اوزگریشی باعث، توارلر قیمتینی تعینلش قیین دیر، شو بیلن هم نظارتی تیم‌لر هردایم شهرده توارلر نرخینی کنترول قیلماقده دیدی چاریکار بلدیه‌سی باشلیغی سیدنیکمل آغا.
بیزلرنینگ توییترده هم تعقیب قیلینگ!
اونگه کوره: «عمومی ریاست بیلن موضوع‌‍نی شریک قیلدیک. سوداگرلیک وزیرلیگی توارلر نرخینی تعین قیلگن حالده، بیزلر شهر اصنافی بیلن صحبت قیلیب و نرخ_نوانی تعین قیله‌میز. قیمت ساتیش ناتوغری دیر. تیم‌لریمیز بازارلرده یوریب تیکشیره‌دیلر. انیق بیر نرخ‌نامه تعینلش قیین، چونکه بازارده‌گی نرخ بیر حالده ایمس.»
ایتیش کیره‌ک که، کابل شامل مملکت نینگ باشقه بیر قطار ولایت‌لر یشاوچیلری، ییگولیک ماده‌لر اینیقسه سبزه‌وات قیمت بولگنیدن شکایت قیله‌دیلر.
