اسلام امیرلیگی باش وزیرینینگ اداری اورین باسری عبدالسلام حنفی، بوگون (۲۱ سرطان/۱۲ جولای، یکشنبه) حکومت ییتکرمهلر مرکزیده مالیه وزیرلیگینینگ سالیق امتیازلرینی شریک قیلیش مطبوعاتی ییغیلیشیده، تیل و گاز وارد قیلووچی شرکتلردن بیر تُنده ۵۰ افغانی سالیق آلینیشینی بیلدیردی.
اونگه کوره، تیل و گاز وارد قیلووچی شرکتلر عمده شکلده تیلنی ذخیره قیلهدی، هر تُننی ساتیش اوچون ۵۰ افغانی سالیق تولش گه مجبور دیر.
اسلام امیرلیگی، تدبیرکارلر و کسبهکارلر گه کوپراق قولیلیک یرهتیشگه سعی-حرکت قیلهیاتگنینی قوشیمچه قیلدی، عبدالسلام حنفی.
اسلام امیرلیگی باش وزیرینینگ اداری اورین باسری، سالیق تولش برچهنینگ اسلامی و ملی مسئولیتی دیب و آلینهیاتگن ۱۰ فایز سالیقدن پولیس، ترافیک، عالی درگاهلر اوقیتووچیلری، شفاکارلر معاشی تولنیشینی معلوم قیلدی.
حنفی جنابلری، سالیق تیکشیروچیلری و سالیق ییغووچی خادملردن سالیقلرنی آلیش جریانیده اسلام تمایللری و اخلاق قاعدهلریگه رعایه قیلیشلرینی سورهدی.
