آنادولو ییتکرمهسیگه کوره، تورکیه، سعودی عربستان و پاکستان بوگون (۱۶ اسد/۷ آگست، جمعه) اوچ تامانلمه مدافعه اتفاقینی توزهدیلر.
معلوماتلر اساسیده، اوشبو اوچ مملکت اورتهسیده مدافعه اتفاقی سعودی عربستاننینگ جده شهریده امضالنهدی.
تورکیه جمهور باشلیغی رجب طیب اردوغان، بوگون ایرتهلب ایش تشریفی بیلن بیر کونلیک سفرده سعودی عربستان گه ییتیب باردی. اردوغان جنابلری اوشبو سفری دایرهسیده، سعودی عربستان ولیعهدی و باش وزیری محمد بن سلمان و پاکستان باش وزیری شهباز شریف بیلن اوچرهشهدی.
پاکستان باش وزیری شهباز شریف اوتگن کون شاهزاده محمد بن سلماننینگ رسمی تکلیفی بیلن اوچ کونلیک رسمی سفر اوچون سعودی عربستان گه بارگن و او اوشبو سفریده ایکی مملکت اورتهسیدهگی مناسبتلر مستحکملنیشی و منطقهدهگی ماجرالر حقیده بحث ایتیشی کوتیلهدی.
