«طبیعی آفت‌لر خطرلرینی کمه‌یتیریش خلق‌ارا کونی» مناستبی بیلن، بوگون (۲۱ میزان/۱۳ اکتوبر، سه‌شنبه) اسلام امیرلیگی ییریک عملدارلری، مملکتلرنینگ ایلچیلری و خلق‌ارا تشکیلات‌لرنینگ وکیللری اشتراکی بیلن کابل‌ده ییغیلیش اوتکزیلدی. اسلام امیرلیگی رسمیلری اوشبو ییغیلیشده، افغانستان‌ده طبیعی آفت‌لر آلدینی آلیش و جبرلنگنلر گه یاردم بیریش اوچون دنیا همجمعیتدن مالیه‌وی و تخنیکی یاردم بیریشینی سوره‌دیلر.
اسلام امیرلیگی باش وزیری‌نینگ اقتصادی اورین باسری ملا عبدالغنی برادر، دنیا همجمعیتدن آب-هوا اوزگریش‌لریگه قرشی کوره‌شیش مسئله‌سینی سیاسی ملاحظه‌لردن اجره‌تیشنی سوره‌دی. اونینگ ایتیشیچه، افغانستان اقلیم اوزگریشی‌نینگ عاقبت‌لریدن جدی ضرر کورگن شونینگ اوچون خلق‌ارا مالیه‌وی همده تخنیک یاردمدن عدالتلی روشده فایده‌لنیش امکانیتیگه ایگه بولیشی کیره‌ک.
اونینگ کوپه‌یتیریشیچه، اسلام امیرلیگی طبیعی آفت‌لر گه چیده‌ملی بنالر قوریش، حمایه دیوارلرینی برپا ایتیش، شونینگدیک اورمانلرنی محافظه قیلیش و قیته تیکلش باره‌سیده سعی-حرکت قیلماقده.
شو بیلن بیرگه، اسلام امیرلیگی باش وزیری ملامحمدحسن آخوند اوز مراجعتیده، مملکت بویلب خوفسیزلیک تأمینلنگنیگه قره‌می، طبیعی آفت‌لر همان یشاوچیلردن قربانلیک آله‌یاتگنینی بیلدیردی. او خوف-خطرلرنی انیقلش، آلدینی آلیشگه قره‌تیلگن لایحه‌لرنی عملگه آشیریش، شونینگدیک طبیعی آفت‌لرنینگ آلدینی آلیش و فوق‌العاده وضعیت‌لرنی باشقریش ساحه‌لریده خلق‌ارا تشکیلات‌لر همکارلیگینی کوچه‌یتیریش کیره‌ک دییدی.
طبیعی آفت‌لر گه قرشی تیارگرلیک کوریش اداره باشلیغی نورالدین ترابی هم، افغانستان‌ده اقلیم اوزگریش‌لریگه عاید لایحه‌لر کینگه‌یتیریلیشینی طلب قیلدی. اونینگ کوپه‌یتیریشیچه، طبیعی آفت‌لر گه چیده‌ملی بنالر قوریش، حمایه دیوارلرینی برپا ایتیش، شونینگدیک اورمانلرنی محافظه قیلیش و قیته تیکلش باره‌سیده خلق‌ارا نهادلر یاردم بیریشی ضرور.
شونینگدیک، طبیعی آفت‌لر گه قرشی تیارگرلیک کوریش اداره باشلیغی مملکتلر و خلق‌ارا تشکیلات‌لردن کابل دریاسینی تازه‌لش اوچون بیر میلیون دالر یاردم بیریش‌لرینی طلب قیلدی.
اوشبو ییغیلیشده افغانستان‌ده خلق‌ارا مهاجرت تشکیلاتی باشلیغی هیونگ پارک هم، بیرلشگن ملتلر تشکیلاتی اوز شریک‌لری همکارلیگیده افغانستان‌ده طبیعی آفت‌لر خوف-خطرلرینی کمه‌یتیریش گه صادق‌لیگینی ایتدی.
شو بیلن بیرگه، تشقی ایشلر وزیرلیگی‌نینگ مالی و اداری معینی محمد نعیم، طبیعی آفت‌لر خوف-خطرلرینی کمه‌یتیریش‌نی ایچکی و خلق‌ارا تشکیلات‌لرنینگ عمومی مسئولیتی دیب اته‌دی.
نعیم جنابلریگه کوره، تشقی ایشلر وزیرلیگی دیپلماتیک یونه‌لیش آرقه‌لی بوتوغریده خلق‌ارا همکارلیک‌لرنی کینگه‌یتیریش گه سعی-حرکت قیلماقده.
۱۳ اکتوبر، بیرلشگن ملتلر تشکیلاتی عمومی ییغیلیشی تامانیدن ۱۹۹۰ییلده اهالی‌نینگ خبردارلیگینی آشیریش، تیارگرلیک‌نی کوچه‌یتیریش و جمعیت‌لرنینگ طبیعی آفت‌لر آلدیده‌گی ضعیف‌لیگینی کمه‌یتیریش مقصدیده طبیعی آفت‌لر خوفینی کمه‌یتیریش خلق‌ارا کونی دیب اعلان قیلینگن.
