اسلام امیرلیگی طبیعی آفت‌لر گه قرشی تیارگرلیک کوریش اداره‌سی، طبیعی آفت‌لر خوفینی کمه‌یتیریش خلق‌ارا کونی مناسبتی بیلن ایتیشیچه، سونگی بیر ییل ایچیده افغانستان‌ده صادر بولگن طبیعی آفت‌لر عاقبتیده ۶۷۹ کیشی اولگن.
اوشبو اداره سوزلاوچییس محمدیوسف حماد، بوگون (۲۱ میزان/۱۳ اکتوبر، سه‌شنبه) ویدیو فایل‌ده ایتیشیچه، سونگی بیر ییل ایچیده طبیعی آفت‌لرده بیر مینگ ۱۳۴ کیشی یره‌لنگن.
حماد گه کوره، اوشبو واقعه‌لرده تورت مینگ ۴۷۰ اوی بوتونلی و ۱۷ مینگ ۶۶۴ اوی ایسه قسمی شکلده بوزیلگن.
اوشبو اداره، افغانستان‌ده طبیعی آفت‌لرنی آلدینی آلیش و جبرلنگن کیشیلر گه یاردم بیریش اوچون، ایریم ایشلرنی عملگه آشیرگن دییدی، طبیعی آفت‌لر گه قرشی تیارگرلیک کوریش اداره سوزلاوچیسی.
۱۳ اکتوبر، بیرلشگن ملتلر تشکیلاتی عمومی ییغیلیشی تامانیدن ۱۹۹۰ییلده اهالی‌نینگ خبردارلیگینی آشیریش، تیارگرلیک‌نی کوچه‌یتیریش و جمعیت‌لرنینگ طبیعی آفت‌لر آلدیده‌گی ضعیف‌لیگینی کمه‌یتیریش مقصدیده طبیعی آفت‌لر خوفینی کمه‌یتیریش خلق‌ارا کونی دیب اعلان قیلینگن.
