بغلان ده‌گی محلی منبع‌لر نینگ ایتیشلریچه، اوشبو ولایت نینگ نهرین تومنیده تاش‌کومیر کانی قوللشی عاقبتیده کمیده ۱۰ کان ایشلاوچی جان بیرگن‌لر.
نهرین تومنی تاش‌کومیر کانی باشلیغی عبدالله حامد اوشبو واقعه‌نی تصدیقلب ایتیشیچه، حادثه اوتگن کیچه «چنارک» تاش‌کومیر تونل‌لریدن بیری‌ده یوز بیرگن.
بیزلرنینگ توییترده هم تعقیب قیلینگ!
اونگه کوره، تخنیکی تیم اوتگن کیچه بیرینچی تونل ده‌گی ۱۰دن آرتیق کانچی‌نی قوتقرگن. نهرین تومنی تاش‌کومیر کانی باشلیغی نینگ اورغولشیچه، جان بیرگن‌لر نینگ جسدلری چیقاریلگن.
واقعه سببی، طبیعی آفت‌لر دییلگن. بوندن آلدین هم بو کبی حادثه‌لر ولایت لرده‌گی بیرقطار تاش‌کومیر کان لریده یوز بیریب کان ایشلاوچیلردن قربان‌لیک آلگن.
