بغلان ولایتیدن اعتبارلی بیر منبع نینگ سلام‌وطندارگه ایتیشیچه، اوشبو ولایت نینگ جلگه تومنی‌نی «گودری» منطقه‌سیده طالبان لایزری قطعه‌سی نینگ هجومی سبب، اوشبو تومن پولیس قومندانی گلبدین غفوری و برکه تومنی نینگ پولیس قومندانلیگی سرپرستی لطف‌الله حق‌بین باشقه ۷ پولیس بیلن هلاک ایتیلگن و مردمی کوچلر شامل باشقه ۱۰ حربی یره‌لنگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
منبع نینگ ایتیشیچه، مذکور آتیشمه‌ده امنیتی کوچلردن باشقه ۳ ته‌سی یوقالگن و بیرقطار حربی تجهیزات طالبان قولیگه توشگن. منبع نینگ کوپه‌یتیریشیچه، امنیتی کوچلر بیر تانگی تخریب ایتیلیب و دولتی کوچلردن بیرقطاری نینگ جسدلری طالبان قولیگه توشگن.
منبع گه کوره، مذکور واقعه‌ده ایکی تینچ اهالی هلاک و باشقه بیر تینچ اهالی یره‌لنگن.
جلگه تومنی یشاوچیلری نینگ ایتیش‌لریچه، کمکی کوچ یوباریلمه‌گن صورتده، اوشبو تومنده کته انسانی فاجعه یوز بیریشی ممکن.
- بغلان ده بمب جایلشتریلگن موتر پارتلش‌ده ۵ کیشی هلاک و کمیده ۵۰ کیشی یره‌لنگن
- بغلان ده ۱۱ حربی و تینچ‌اهالی طالبان قماقخانه‌سیدن قاچگن
- طالبان بغلان ده امنیتی کوچلردن ۶۰ ته‌سی نینگ قوییب یوباریلگنی نی ادعا قیلگن
عین‌حالده، ۲۱۷ پامیر قول اردو قومندانی عباس توکلی، جلگه و برکه تومن‌لری نینگ پولیس قومندان‌لری هلاک ایتیلگنی‌نی تصدیق‌لب ایتیشیچه، جلگه تومنیده طالبان گروهی‌گه قرشی حربی عملیات یولگه قوییلیشی ممکن.
عباس توکلی گه کوره، مذکور آتیشمه‌ده طالبان گروهی گه تلفات ییتیشگن، لیکن بیللی رقم قولگه یوق دیر.
بغلان محلی مسوول‌لری حاضرگه‌قدر بوتوغریده فکر بیلدیرمه‌گن.
عین‌حالده، طالبان گروهی نینگ اعلان قیلیشیچه، بغلان ولایتی نینگ جلگه تومنیده اوشبو گروه جنگریلری نینگ هجومی نتیجه‌سیده، ایکی تومن پولیس قومندانی شامل دولتی کوچلردن ۱۲ ته‌سی هلاک و باشقه ۸ ته‌سی یره‌لنگن.
