طالبان سوزلاوچی‌لریدن بیری ذبیح‌الله مجاهد نینگ ادعا قیلیشیچه، مذکور گروه رهبری نینگ بویروغی اساسیده، بغلان ده بو گروه توتقونیده بولگن امنیتی کوچلردن ۶۵ ته‌سی قوییب یوباریلگن. ذبیح‌الله مجاهد توییتر صحیفه‌سیده بو موضوع گه اشاره قیلیب و ایتیشیچه، مذکور کیشیلرنینگ رمضانی آیی مناسبتی بیلن قوییب یوبارگنلر.
باشقه بیر تاماندن بغلان ده ایشانچلی امنیتی منبعلرنینگ سلام‌وطندارگه ایتیش‌لریچه، مرکزی بغلان تومنیده نیچه کیشی طالبان توتقونیدن قوییب یوباریلیب و پلخمری شهریده کیلگن ایکنلر که تیکشیروو اوچون امنیتی کوچلر آرقه‌لی قولگه آلینگن. بو منبعلرنینگ کوپه‌یتیریش‌لریچه، طالبان ادعا قیلگن‌لری حاضرگچه قوییب یوباریلمه‌گن و اولرنینگ آره‌سیده تینچ‌اهالی نینگ بولیش احتمالی بار.
سلام‌وطندار اوزبیکی نی فیسبوککه هم تعقیب قیلینگ!
بو توغریده بغلان محلی مسئوللری نینگ فکرینی اورگه‌نیش اوچون حرکت قیلدیک، بیراق موفق بولمه‌دیک. عین حالده، بغلان پولیس قومندانلیگی سوزلاوچیسی احمدجاوید بشارت طالبان نینگ بو ادعاسینی رد قیلیب و اونینگ بو گروه تبلیغاتی دیگن.
شونده‌ی بیرحالده، اوچ کون آلدین مرکزی بغلان تومنیده امنیتی کوچلردن ۱۰۰ دن آرتیغی طالبان گه تسلیم بولگن ایدی و حاضر بیللی بولمه‌گن که قوییب یوباریلگن حربیلر مذکور تسلیم بولگن حربیلر می یا باشقه محبوسلر.
