ایکینچیلیک محصولات‌لرینی ییغیب آلینگندن کیین سقلش، اولرنینگ نابود بولیشی‌نینگ آلدینی آلیش و بازار گه اوز وقتیده ییتکزیب بیریشده، ساووتیکچ امبارخانه‌لر مهم اهمیت گه ایگه.
بیراق، لوگر ولایتیده دهقانچیلیک بیلن شغللنووچی گل‌الرحمن‌نینگ ایتیشیچه، ساووتکیچ امبارخانه‌لر محصولات‌لری‌نینگ نابود بولیشی و ارزان نرخ‌ده ساتیلیشی‌نینگ آلدینی آله‌دی. اما موجود ساووتکیچ امبارخانه‌لرنینگ سیغیمی و امکانیت‌لری ییترلی ایمس. او شونده‌ی دییدی: «ساووتکیچ امبارخانه‌لرده سقلش آرقه‌لی محصولات‌نی وقتیده و یخشی نرخ‌ده ساته آله‌میز، بیراق لوگرده‌گی موجود ساووتکیچ امبارخانه‌لر ییترلی ایمس.»
فردوس اسملی غزنی ولایتیدن بولگن ینه بیر دهقان‌نینگ ایتیشیچه، محصولات‌لرنی خصوصی ساووتکیچ امبارخانه‌لرده سقلش هر بیر سیر اوچون ۳-۴ افغانیگه توشه‌دی. بو ایسه محصولات‌لرنی ساتیشدن آلینه‌دیگن فایده‌نی کمه‌یتیره‌دی.
بدخشان ولایتیده دهقانچیلیک بیلن شغللنووچی حمیدالله گه کوره، ساووتکیچ امبارخانه‌لر محصولات‌لرنی سقلش و اولرنی اوز وقتیده ساتیش امکانینی بیره‌دی. بیراق، بونده‌ی امبارخانه‌لر سانی ییترلی ایمس.
غزنی ولایتیدن بولگن دهقان فردوس‌نینگ ایتیشیچه: «شخصی ساووتکیچ امبارخانه‌لرده محصول‌نی سقلش هر بیر سیر اوچون ۳-۴ افغانیگه توشه‌دی و دهقانلر اوندن فایده قیلمه‌یدی.»
بدخشان ولایتیدن بولگن ینه بیر دهقان حمیدالله هم شونده‌ی دییدی: «ساووتکیچ امبارخانه‌لر قوریلیشیدن آلدین محصوللریمیز نابود بولردی؛ بیراق ایندی اولرنی اوزاق مدت سقلب و وقتیده ساته آله‌میز. شو بیلن هم ساووتکیچ امبارخانه‌لر ییترلی ایمس و کوپه‌لیشینی ایسته‌یمیز.»
کابل شهریده قصر وزیر ساووتکیچ امبارخانه مسئولی کیهان نورنینگ ایتیشیچه، اوشبو امبارخانه ایکی مینگ ۴۰۰ تُن زراعت محصولات‌لرینی سقلش قووتیگه ایگه. بیراق اوندن فایده‌لنیش درجه‌سی حاصل ییغیم-تیریمی موسمیگه قره‌ب اوزگره‌دی. او شونده‌ی دییدی: «کابل‌ده قصر وزیر ساووتکیچ امبارخانه‌نینگ سکیز اتاقی بار و ایکی مینگ ۴۰۰ تُن محصول سیغه‌دی. اوندن فایده‌لنیش موسمگه قره‌ب اوزگره‌دی و محصولات‌نی سقلش و چیقیندیلرنی آلدینی آلیش امکانیتینی یره‌تگن.»
شو بیلن بیرگه، ایکینچیلیک، سووغاریش و چارواچیلیک وزیرلیگی سوزلاوچیسی شیرمحمد حاتمی گه کوره، مملکتده سیغیمی بیر مینگ تُن‌دن تورت مینگ تُن گچه بولگن ۱۵۰ دن آرتیق ساووتکیچ امبارخانه موجود بولیب، اولر زراعت محصولات‌لری‌نینگ نابود بولیشی‌نینگ آلدینی آلیشگه خذمت قیله‌دی. او شونده‌ی دییدی: «حاضرگی کونده میوه و سبزه‌وات‌نی سقلش اوچون مملکت مقیاسیده ۱۵۰ دن آرتیق ساووتکیچ امبارخانه بار، اولرنینگ هر بیریده بیر مینگ دن تورت مینگ متریک تُن گچه محصول سیغه‌دی.»
ایسله‌تیب اوته‌میز، ایکینچیلیک وزیرلیگی مملکتده ساووتکیچ امبارخانه‌لر ترماغینی کینگه‌یتیریش مقصدیده دهقانلر، باغبانلر و آست قوریلمه‌لر اوچون مالیه‌وی همده تخنیک کمک کورسه‌تیش، شونینگدیک ییر اجره‌تیش امکانیت‌لرینی نظرده توتگن.
