فراه ده مهییز ایشلب چیقرووچیلر نینگ ایتیشلریچه، بو ییل اوشبو ولایتده اوزوم حاصلاتی و مهییز تولیدی اوتگن ییللر گه قرهگنده کوپهیگنی بیلن؛ بیراق اولر محصوللری نینگ ساتیلیشی اوچون مناسب بازار یوقلیگی قیینچیلیگی بیلن روپهرهلر.
مهییز ایشلب چیقرووچیلر، مسئوللردن مهییز ساتیلیشی اوچون مناسب بازار ایجاد بولیشی و مملکتدن تشقی گه صادرات زمینهسی یرهتیلیشی نی ایستهگنلر.
فراه ده مهییز ایشلب چیقرووچیلردن بیری خانمحمد نینگ ایتیشیچه، اوزوم نینگ قوروتیش و مهییز ایشلب چیقریش اوچون، کیمیاوی و فزیکی روشلردن قوللنهدیلر.
اونینگ کوپهیتیریشیچه: «اوزوم نی باغدن توپلهگنیز پیتده، اونینگ خس و خاشاکی و دانهلری نی اَیرهمیز و یخشی پیشگن و سریق خوشهلری نی آلیب و بیر کیلوگرام بولگن پوتاشیم کاربونیب، ۱۰۰ سیسی فولیک اسید و ۳۰ لیتر سوو نی بیر سطل گه تشلهیمیز و محلول توزتهمیز و بیر دقیقهدن کیین اوزوم نی آلیب و تار گه تاقهمیز و مهییز توزهتیلهدی.»
بیزلرنینگ «ایکس» ترماغی ده هم تعقیب قیلینگ!
گرچند خانمحمد، باغلریده تولید بولگن مهییز مقداریدن رضایتی بار؛ بیراق اونینگ ایتیشیچه، مناسب بازار یوقلیگی، هر کیلوگرام مهییز نینگ ۱۳۰-۱۶۰ افغانی ساتیشی گه سبب بولگن.
شوندهی بیرحالده، فراه ده ایکینچیلیک بوییچه ایش بیلرمانی نینگ ایتیشیچه، اوشبو ولایتده هوا نینگ مناسبلیگی سبب، کیفیتلی اوزوم و مهییز تولید بولهدی.
ایکینچیلیک بوییچه ایش بیلرمانلریدن شاهمحمود نورزی نینگ کوپهیتیریشیچه: «اوزوم نی یخشی یووینگ و کیین تار گه تاقینگ و اوزوم خوشهلری بیر بیری یانیده قرار تاپمهسین. مهییز نینگ قوروگنیدن کیین درجهبندی بولیشی کیرهک. افغانستان اوزوم و مهییزی منطقهده رقیبی یوق. چونکه افغانستان اقلیمی تولید اوچون ییترلی قویاش گه ایگه دیر و اوزوم نینگ تاتلی بولیشی گه سبب بولهدی. اوزوم نینگ قوروتیش پیتده، تخنیکی و مسلکی ستندردلر نینگ نظر گه آلیشیمیز کیرهک.»
باشقه بیر تاماندن فراه ده سوداگرلر، مذکور ولایتده مهییز ایشلب چیقریش سطحی کوپهیگنی نی تصدیقلب بیراق، مهییز نینگ پاکتلش پروسهسیدن رضایتلری یوق دیر. اولرنینگ ایتیشلریچه، ستندردسیز شکلده پاکتلنیش و ساووقخانه یوقلیگی سبب، هر تُن مهییز نینگ ۱۵۰ مینگ قیمت گه ساتیب آلینهدی.
فراه ده سوداگرلردن صبغتالله نینگ ایتیشیچه: «افغانستان مهییزی اینگ یخشی مهییز دیر. تیزلیککه خراب بولمهیدی. کیفیتی نی تیزلیککه قولدن بیرمهیدی، بیراق مهییز نینگ پاکتلنیشیدن رضایتیمیز یوق، چونکه درست کارتنلری یوق و ستندرد ایمس و خلقارا ستندردلر اساسیده پاکتلنمهیدی. بیر تُن مهییز نی ۱۵۰ مینگ افغانی گه ساتیب آلهمیز.»
باشقه بیر تاماندن، فراه یشاوچیلریدن قطاری نینگ ایتیشلریچه، فراه مهییزی یخشی کیفیت گه ایگه دیر و اهالی اوزوم گه قرهگنده مهییزدن قوللنهدیلر.
بیزلرنینگ فیسبوک صحیفهمیزگه باش اورینگ!
فراه یشاوچیلریدن نوراحمد نینگ ایتیشیچه: «بو ییل مهییز یخشی دیر، مهییز اوزوم گه قرهگنده کوپینچه فایدهسی بار و ساتیلیش بازاری یخشی دیر، چونکه کوپینچه پیتده هییتلرده قوللنهدی و ایرتنگ تامان اهالی تامانیدن قوللنهدی، شونینگدیک اوزوم گه قرهگنده مهییز کوپ قوللنیلهدی.»
عین حالده، فراه ده ایکینچیلیک، سووغاریش و چاروهچیلیک ریاستیده مسئوللر نینگ ایتیشلریچه، اوشبو ولایتده ۷۵۰۰دن آرتیق اوزوم باغی بار که ییلده، ۱۲۷ مینگ متریک تُندن آرتیق اوزوم قولگه کیلهدی که اولردن کوپینچهسی باغدارلر آرقهلی مهییز بولیب و بازار گه عرضه بولهدی.
فراه ایکینچیلیک ریاستی نینگ ایکینچیلیک خذمتلر عمومی مدیری عبدالخالق شیرزاد نینگ ایتیشیچه، اولر دایم مهییز ایشلب چیقرووچیلر اوچون فایدهلی رهنمالیکلر نی بیرهدیلر و موسسهلر هماهنگلیگیده مملکت ایچیده و تشقیده مهییز محصوللری نینگ ساتیلیش زمینهسی یرهتیلیشی اوچون سعی و حرکت قیلهدیلر. اونینگ کوپهیتیریشیچه: «فراه ولایتی نینگ ایکینچیلیک ادارهسی دایم ایکینچیلیک محصوللر اوچون بازار تاپیش خصوصیده سعی و حرکت قیلگن و بو بولیمده همکار موسسهلر بیلن صحبت قیلگنمیز و کیلهجکده پاکتلش خصوصیده هم تعلیمی برنامهلری یولگه قوییلیشی ممکن.»
فراه سوداگرلری گه کوره، افغانستان مهییزی اینیقسه قاره و ییشیل مهییزی ولایت و دنیا بازارلریده خریداری کوپ دیر.