فاریاب ولایتی قیصار تومنیده باغ‌دارلردن قطاری نینگ سلام‌وطندار گه ایتیشلریچه، اوتگن ییل قیش موسومی‌ده قتیق ساووق و اوشبو ییل قوروق‌چیلیک نتیجه‌سیده، مذکور ولایت‌ده مهییز تولیدی کمه‌یگن. اولر نینگ کوپه‌یتیریشلریچه، شونینگدیک مهییز قیمتی ۴۰ فایز کمه‌یگن دیر.
قیصار تومنی‌ده‌گی باغ‌دارلردن بیری محمد نبی نینگ ایتیشیچه، اوتگن ییل ییتی کیلوگرام قاره مهییز، ۱۲۰۰ افغانی ایکن؛ بیراق جاری ییل‌ده ۸۰۰ افغانی گه ییتیشگن. اونینگ کوپه‌یتیریشیچه: «بیر تامان‌دن هوا نینگ ساووق‌لیگی باعث، خراب بولدی و شونینگدیک قالگنی ایسه سوو کم‌لیگی سبب باغ‌لرده کویدی. قودوق نینگ قازیلیشی کوپ خره‌جت کوتاره‌دی که باغ‌دار نینگ کوچی ییتیشمه‌یدی. بیر باغ‌دار، باغی نی ساتگنی صورت‌ده، بیر ته قودوق قازیشی ممکن؛ او هم قودوق‌ده سووی بارلیگی و یوقلیگی بیللی ایمس. قیصار تومنی نینگ یگانه قیین‌چیلیگی، توغان اوچون دیر، توغان قوریلگنی صورت‌ده، باغدارلر حاصلاتی نینگ ۷۰ فایز کوپه‌یشی ممکن.»
بیزلرنینگ «ایکس» ترماغی ده هم تعقیب قیلینگ!
شونینگدیک فاریاب ولایتی قیصار تومنیده باغ‌دارلردن باشقه بیری محمد‌فضل نینگ ایتیشیچه، اوتگن ییل قیش موسومی‌ده هوا نینگ ساووق‌لیگی و بو ییل قوروق‌چیلیک و هوا نینگ ایسیق‌لیگی، ییغیم-تیریم میزانی نینگ ایکی خروار کمه‌یتیرگن. اونینگ کوپه‌یتیریشیچه: «سوو کم‌لیگی سبب، باغ‌لر حاصلی کمه‌یگن. بیر مرته ساووق اوردی، کیین هوا نینگ ساووق‌لیگی سبب قورت باسدی. بو ییل یامغیر اورنیده تاک‌لر اوستیگه توپراق یاغدی. اوشبو ییل مه‌ییزی نینگ بیر سیری بازارده ۵۰۰-۶۰۰ افغانی ساتیب آله‌دیلر؛ چونکه اهالی خراب بولگن مهییز نی آلمه‌یدی.»
قیصار تومنیده مهییز سوداگرلریدن بیری محمدنعیم نینگ ایتیشیچه، قیصار تومنی نینگ مهییز تولیدی میزانی اوتگن ییل گه قره‌گنده ۳۰ فایز کمه‌یگن؛ بیراق افغانی پول ارزشی نینگ یوقاری کیتگنی بیلن، قیمت‌لرده اونچه‌لیک فرق کیلمه‌یگن و بو باغدارلر نینگ فایده‌سی گه دیر. اونینگ کوپه‌یتیریشیچه: «اوتگن ییل گه قره‌گنده محصول‌لریمیز نینگ ۳۰ فایز کمه‌یگنی نی کورسته‌دی، چونکه هوا نینگ ساووق‌لیگی و قوروق‌چیلیک باغ‌لر محصوللری نینگ ۳۰ فایز کمه‌یتیرگن. اوتگن ییل بیر سیر مهییز ۳ مینگ کلدار بوله‌ر ایدی، بو ییل ۶ مینگ کلدار بوله‌دی. اوتگن ییل باغ‌دار بیر سیر مهییز نی ساتیب و ۱۰ لیتره بیر بشکه یاغ ساتیب آله‌ر ایدی، بو ییل بیر سیر مهییز نی ساتیب ایکی بشکه یاغ آله‌دی.»
باشقه بیر تامان‌دن، قیصار تومنی مهییز ساتیله‌دیگن مارکیت رئیسی سید‌انور نینگ ایتیشیچه، باغدارلر نینگ محصوللری قیش موسومی‌ده ساووق، قوروق‌چیلیک و ییترلی سوو یوقلیگی سبب، ۳۰ فایز کمه‌یگن. اونینگ کوپه‌یتیریشیچه: «اوتگن ییل بیر سیر قیزیل مهییز ۱۲۰۰-۱۳۰۰ افغانی گه ساتیله‌ر ایدی، بو ییل ۱۱۰۰ افغانی ساتیله‌دی. قاره مهییز نینگ ساتیلیش بازاری یخشی دیر. قیزیل مهییز بازاری ایسه اونچه‌لیک یخشی ایمس، چونکه بو ییل قیصار مهییز بیراز ضعیف. ساووق اورگن و شونینگدیک ییشل مه‌ییزی یخشی ایدی؛ بیراق کابل گه هیچ ساتیلمه‌س ایدی، اینگ یخشی بیر سیر مهییز ۳ مینگ افغانی بوله‌دی. مهییز نینگ تجارتی قیمتی بیر مینگ‌دن ۱۲ یوز افغانی بوله‌دی.»
فاریاب ایکینچیلیک، سووغاریش و چاروه‌چیلیک ریاستی اورین‌باسری نورالهدا متوکل نینگ سلام‌وطندار گه ایتیشیچه، اوتگن ییل قیش موسومی‌ده هوا نینگ ساووق بولگنی و جاری ییل‌ده قوروق‌چیلیک، باغ‌لر حاصلاتی و قیصار مه‌ییزی نینگ ۵۰ فایز کمه‌یشی گه سبب بولگن. بیراق اونینگ کوپه‌یتیریشیچه، ایکینچیلیک وزیرلیگی، کیچیک توغان‌لر نینگ قوریش بیلن، موسومی سوولر آلدی نی آلیب و باغ‌لر نینگ سووغاریلیشی اوچون قوللنیلیشی خصوصیده سعی و حرکت قیلماقده. فاریاب ایکینچیلیک، سووغاریش و چاروه‌چیلیک ریاستی اورین‌باسری نینگ اورغولشیچه، فاریاب ولایتی‌ده ۱۷ تومن‌ده ۱۷ توغان نینگ سروی ایشی بیتیب و تیزلیککه قوریلیش ایشی باشلنیشی ممکن.
بیزلرنینگ فیسبوک صحیفه‌میزگه باش اورینگ!
عین حالده، کیت‌مه-کیت اوچینچی ییل قوروق‌چیلیگی، تورلی ولایت‌لرده ایکین‌زارلر و باغ‌لر خصوصیده تاثیر قوییب و نتیجه‌ده، باغ‌لر و ییرلردن ایکینچیلر نینگ قولگه کیلتیره‌دیگن درآمدی، سیزیله‌رلی درجه‌ده کمه‌یگن.
