فاریاب ترافیک اداره مسئوللری نینگ ایتیشلریچه، المار-میمنه قتناو یولیده یوز بیرگن ترافیکی حادثه نتیجه‌سیده، ایکی کیشی اولیب و ایکی کیشی یره‌لنگن.
فاریاب ولایتی ترافیک اداره‌سی نینگ حادثه‌لر مدیری احمدفهیم کوهی نینگ سلام‌وطندار گه ایتیشیچه، مذکور حادثه بوگون ایرتنگ چاغی (شنبه، ۲۸-اسد)، ساعت ۰۹:۰۰ اطرافیده، اوشبو قتناو یول‌ده بیر موترسایکل بیلن ریکشا نینگ توقنشووی سبب، یوز بیرگن.
بیزلرنینگ توییترده هم تعقیب قیلینگ!
فاریاب ترافیک اداره‌سی نینگ مدیری گه کوره، اوشبو حادثه نتیجه‌سیده، بیر ایرکک و بیر باله اولیب، بیر عیال بیلن بیر ایرکک ایسه یره‌لنگن.
جناب کوهی نینگ کوپه‌یتیریشیچه، یره‌لنگنلر وضعیتی یامان دیر و درمان اوچون میمنه حوزه‌وی کسل‌خانه‌سی گه انتقال بیریلگن.
بیزلرنینگ فیسبوک صحیفه‌میزگه باش اورینگ!
فاریاب ترافیک اداره‌سی مسئوللری، اوشبو حادثه سببی‌نی، هیداوچی نینگ تیز هیده‌یشی و توجه‌سیزلیگی عنوان قیلگنلر.
ایتیش کیره‌ک که، اوتگن جمعه کونی توش‌دن کیین، بدخشان ولایتی نینگ یاوان تومنی‌ده یوز بیرگن ترافیکی حادثه نتیجه‌سیده، بیر کیشی اولیب و آلتی کیشی ایسه یره‌لنگن.
