جوزجان ترافیک مدیریتی رسمیلری، پنجشنبه کونی، ۱۹ اسد، عصر چاغی جوزجان_فاریاب عمومی قتناو یولیده یوز بیرگن ترافیکی حادثه عاقبتیده، ایکی کیشی هلاک بولیب و باشقه ییتتی کیشی یرهلنگنیدن خبر بیرهدیلر.
جوزجان ترافیک مدیری محمدانور زاهد نینگ ایتیشیچه، اوشبو واقعه جوزجان ولایتی خواجهدوکوه تومنی حدودلریده «فولدر» رسوملی بیر موتر قولشی عاقبتیده یوز بیرگن.
بیزلرنینگ فیسبوک صحیفهمیزگه باش اورینگ!
زاهد جنابلری نینگ کوپهیتیریشیچه، مذکور واقعه عاقبتیده بیر عیال و بیر ایرکک قربان بولیب و بالهلر شامل ۷ کیشی یرهلنگن.
جوزجان ترافیک مدیری گه کوره، واقعه طفیلی یرهلنگنلر نینگ احوالی قانیقرلی دیر.
مذکور ترافیکی حادثه، هیداوچی نینگ دقتسیزلیگی سبب یوز بیرگن دیدی جوزجان ترافیک مدیری محمدانور زاهد.
بیزلرنینگ توییترده هم تعقیب قیلینگ!
ایتیش کیرهک که، مملکت نینگ قطار ولایتلری اینیقسه جوزجان و فاریاب ده یوللر تارلیگی، بوزوقلیگی و هیداوچیلر نینگ دقتسیزلیگی سبب انده_سنده ترافیکی حادثه یوز بیریب و یشاوچیلردن قربانلیک آلهدی.