تخار ولایتی محلی مسئوللری، اوشبو ولایت ده یوز بیرگن ترافیکی حادثه عاقبتیده ۹ کیشی یرهلنگنینی ایتهدیلر.
تخار امنیه قوماندانلیگی سوزلاوچیسی عبدالمبین صافی گه کوره، شنبه کونی، ۹ ثور، مذکور ولایت نینگ ینگیقلعه تومنیده «پیکپ» رسوملی بیر موتر «رنجر» رسوملی بیر موتر بیلن توقنشووی عاقبتیده، ۹ کیشی یرهلنگنلر.
بیزلرنینگ فیسبوک صحیفهمیزگه باش اورینگ!
جناب صافی نینگ کوپهیتیریشیچه، حادثه طفیلی یرهلنگنلر ینگیقلعه تومنی امنیه قوماندانلیگی خادملری تامانیدن مذکور تومن نینگ ساغلیک مرکزی گه انتقال بیریلگن.
شونینگدیک، سلاموطندار بیلن صحبت اوتکزگن بامیان امنیه قوماندانلیگی سوزلاوچیسی محمدخوانی رسا گه کوره، شنبه کونی، ۹ ثور، عصر چاغی ساعت ۴:۰۰ اطرافی ده، اوشبو ولایت نینگ مرکزی حدودلری «فاطمستی» قیشلاغیده «کرولا» رسوملی بیر موتر بیلن موتر سایکل توقنشووی باعث ایکی کیشی یرهلنگن.
بامیان امنیه قوماندانلیگی سوزلاوچیسی گه کوره، مذکور حادثه ده موتر سایکل دهگی بیر ایرکک و بیر عیال یرهلنگن و احواللری یخشی دییلگن.
بیزلرنینگ توییترده هم تعقیب قیلینگ!
بامیان امنیه قوماندانلیگی سوزلاوچیسی، اوشبو حادثه هیداوچی نینگ دقتسیزلیگی باعث یوز بیرگنینی معلوم قیلهدی.
ایتیش کیرهک که، سونگی کونلرده مملکت نینگ بیرقطار ولایتلریده هیداوچیلر نینگ دقتسیزلیگی و یوللر بوزوقلیگی باعث، ترافیکی حادثهلر یوز بیریب و یشاوچیلردن قربانلیک آلماقده.
