اسلام امیرلیگی ایچکی ایشلر وزیری خلیفه سراج‌الدین حقانی، اسلام همکارلیک تشکیلاتی اورین باسری و اوشبو تشکیلات‌نینگ باش کاتبی و افغانستان اوچون مخصوص وکیلی طارق‌علی بخیت بیلن اوچره‌شدی.
ایچکی ایشلر وزیرلیگی، بوگون (۲۰ میزان/۱۲ اکتوبر، دوشنبه) ایکس اجتماعی ترماغیده بیر بیانیه ترقه‌تیب، تامانلر اسلام امیرلیگی و اسلام همکارلیک تشکیلاتی اورته‌سیده‌گی همکارلیک‌لر مستحکم‌لنیشی، انسان پرورلیک و اجتماعی یاردم کورسه‌تیش، بوتوغریده بولگن قوشمه همکارلیک‌لرنی کینگه‌یتیریش حقیده فکر المشتیرگنلرینی بیلدیرگن.
بیانیه گه کوره، تامانلر کابل‌ده اوچره‌شیب و افغانستان همده اسلام همکارلیک تشکیلاتی اورته‌سیده‌گی همکارلیک‌لر گه زمینه یره‌تیش مسئله‌لری حقیده بحث ایتگنلر.
ایسله‌تیب اوته‌میز، طارق‌علی بخیت بوندن اول‌راق اسلام امیرلیگی باش وزیری اداری اورین باسری مولوی عبدالسلام حنفی و تشقی ایشلر وزیری امیرخان متقی بیلن اوچره‌شیب و ایکی تامانلمه همکارلیک‌لرنی مستحکملش مسئله‌لرینی محاکمه قیلگن.
