شمالی کوریا رهبری کیم جونگ اون، مملکتی روسیه بیلن همکارلیکلرینی «کینگهیتیریش و ینهده مستحکملش» اوچون سعی-حرکت قیلهیاتگنینی معلوم قیلدی.
رویترز نشری، بوگون (۲۴ سنبله/۱۵ سپتمبر، سهشنبه) گزارش بیریشیچه، کیم روسیه جمهور باشلیغی ولادیمیر پوتین گه یوبارگن مکتوبیده، پیونگیانگنینگ مسکو بیلن همکارلیکنی کینگهیتیریش گه جدیلیگینی بیلدیرگن.
کیمنینگ ایتیشیچه، بو همکارلیک ایکی مملکت اورتهسیدهگی دوستلیک، اوز ارا یاردم و اتفاقچیلیک مناسبتلریگه اساسلنهدی. او، اوشبو خبریده پوتین و روسیه خلقینی «دایمی قولب-قوتلشی»نی بیر بار تأکیدلهگن.
شمالی کوریا رهبری شونینگدیک، روسیهنینگ «مملکت خوفسیزلیک منفعتلری و خلقارا عدالتنی حمایه قیلیش یولیدگی حاضرگی مقدس اوروش»ده غلبه قازانیشگه ایشانچی بارلیگینی بیلدیرگن.
بو بیاناتلر، مسکو و پیونگیانگ اورتهسیدهگی مناسبتلر سونگی ییللرده سیزیلرلی درجهده یقینلشگن بیر پیتده ینگرهماقده. شمالی کوریا میلادی ۲۰۲۴-ییللده روسیه قوشینلری صفیده اوکراینده اوروش قیلیش اوچون اوز حربیلرینی یوباردی. ایکی دولت شونینگدیک، اوز ارا مدافعه شرطنامهسی اساسیده حربی همکارلیکنی کینگهیتیرگن.
