اوکراین جمهور باشلیغی ولودیمیر زلنسکی، روسیه حدودلریگه اتفاقچیسینی قوللب-قوتلش اوچون ۳۰-۵۰ مینگگچه شمالی کوریا حربیلری یوباریلیشی ریجهلشتریلگنینی بیلدیردی.
زلنسکینینگ سوزلریگه کوره، روسیه حدودیگه ۳۰ مینگدن ۵۰ مینگ نفرگچه شمالی کوریا عسکرینی جایلشتیریش بوییچه قرار قبول قیلینگن. او بو معلوماتنی قندهی منبعدن آلگنیگه آیدینلیک کیریتمهگن.
زلنسکی اوکراین حدودیدن شمالی کوریا گه تیگیشلی اردو راکتهلری هم تاپیلگنینی، بیراق اولرنینگ انیق جایلشووینی معلوم قیلمهگنینی ایتگن.
او جنوبی کوریانی کییف بیلن همکارلیکنی کوچهیتیریشگه چقیریب، اوکراین هوا مدافعهسی تیزیملری ییتیشمهیاتگنینی تأکیدلهگن.
اونینگ ایتیشیچه، اوکراین «درانلر کیلیشووی» و باشقه یونهلیشلرده هم سیول بیلن همکارلیک قیلیشگه تیار. زلنسکی اوکراین دپیلماتلری بو مسئلهده جنوبی کوریا تامانی بیلن علاقه آلیب بارهیاتگنینی قوشیمچه قیلگن.
ایسلهتیب اوتهمیز، روسیه جمهور باشلیغی ولادیمیر پوتین و شمالی کوریا رهبری کیم جونگ اون، میلادی ۲۰۲۴ ییل جون آییده پکنده کینگ قمراولی استراتیژیک شیریکلیک توغریسیده شرطنامه امضالهگن. حجتده تامانلردن بیری تشقی تجاوز گه اوچرهگن تقدیرده، اوزارا یاردم کورسهتیش بوییچه مجبوریت هم بیلگیلنگن.
معلوماتلر گه کوره، میلادی ۲۰۲۴-ییلده شمالی کوریا روسیهنینگ کورسک ولایتیگه تخمیناً ۱۴ مینگ نفر حربی یوبارگن. اولر اوکراین قوشینلرینینگ حدودیگه ییریک هجومینی قیتریشده روسیه گه یاردم بیرگن.
