شمالی کوریا رهبری کیم جونگ اون، ینه بیر مرته اوکراین گه قرشی روسیه هجوملریدن پیونگیانگنینگ حمایت قیلیشیگه تاکیدلب و «مقدس اوروش» ده مسکونینگ غلبهگه ایریشیشی اوچون یاردم بیریشی توغریسیده سوز بیرگن.
فرانسه آژانسینینگ بوگون (۷-ثور/ ۲۷-اپریل، دوشنبه)، گزارش بیریشیچه، پیونگیانگ حاضرگچه اوکراین اوروشیده روسیهنی قوللب-قوتلش اوچون راکتهلر، قورال-یراغ و مینگلب حربی کوچنی یوبارگن.
سونگی کونلرده، روسیهنینگ ییریک رسمیلریدن قطاری شمالی کوریا گه سفر قیلگن. شونینگدیک روسیه مدافعه وزیری آندری بلوسوف، کیم بیلن اوچرهشگنیده ۲۰۲۷-ییلدن ۲۰۳۱-ییلگچه حربی همکارلیک ریجهسینی امضالش اوچون مسکونینگ تیارلیگینی ایتگن.
مذکور اوچرهشووده کیمنینگ اورغولشیچه، مملکتی «روسیه فدراسیونینینگ ملی حاکمیتی، حدودی و خوفسیزلیک منفعتلریدن دفاع قیلیش سیاستینی هر دایم تولیق قوللب-قوتلشی ممکن.»
شمالی کوریا و روسیه، ۲۰۲۴-ییلده حربی بیر بیتیمنی امضا قیلگنلر که اونینگ اساسیده، تامانلردن بیریگه هجوم بولگنی صورتده، ایکی مملکت «کیچیکتیرمسدن» حربی یاردم کورسهتیشگه متعهد بولگن.
