ییتینچی ثور، افغانستان خلق دموکراتیک حزبینینگ محمد داوودخان حکومتیگه قرشی حربی تونتریشی کونی تینگ. بو کونده مملکتنینگ سیاسی توزیلمهسی اوزگردی و افغانستاننینگ زمانهوی تاریخیده ینگی باسقیچ باشلندی. بوکوندن ۴۸ ییل آلدین، اوشبو تونتریش افغانستان بیرینچی جمهور باشلیغینینگ بیش ییللیک حاکمیتی یکونلنیشیگه آلیب کیلدی.
شمالی کوریا رهبری کیم جونگ اون، ینه بیر مرته اوکراین گه قرشی روسیه هجوملریدن پیونگیانگنینگ حمایت قیلیشیگه تاکیدلب و «مقدس اوروش» ده مسکونینگ غلبهگه ایریشیشی اوچون یاردم بیریشی توغریسیده سوز بیرگن.
فراه قاچقینلر ریاستیده مسئوللرنینگ ایتیشلریچه، اوشبو ولایت مرکزی «چهارباغ» قیشلاغیده، ایکی قوتلی قیزلر مکتبینینگ قوریلیش ایشی یکونلهنیب و فایدهلنیشگه تاپشیریلگن.
ایران تشقی ایشلر وزیری سیدعباس عراقچی، پاکستان و عمان گه قیلگن سفریدن کیین، منطقهای کیسکینلیکلر کمهیشی و دیپلماتیک یاندهشوولرنینگ هماهنگلشتیریش مقصد، روسیه گه بارگن.
لوگر امنیه قوماندانلیگی سوزلاوچیسی سلطانمحمد سنگیننینگ سلاموطندار گه ایتیشیچه، اوشبو ولایتده ناتانیش کیشیلر آرقهلی بیر عایلهنینگ تورت اعضاسی اولدیریلگن.
جوزجانده «ییتیمتاغ» سمنت ایشلب چیقروچی فابریکهنینگ قوریلیش ایشلری، اسلام امیرلیگی باش وزیرلیگینینگ اقتصادی اورین باسری عبدالغنی برادر تامانیدن باشلندی. اسلام امیرلیگی باش وزیرلیگینینگ اقتصادی اورین باسرلیگی، بوگون (۷ ثور/۲۷ اپریل، دوشنبه) ایکس صحیفهسیده بیر بیانیه ترقهتیب، ییتیمتاغ سمنت فابریکهسی قوریلیش ایشلری باشلنگنینی بیلدیردی.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن تورت مینگ ۲۲۱ افغانستانلیک قاچقین چیقریلگن.
بنگلهدیش رسمیلرینینگ اعلام قیلیشیچه، بو مملکت بیر قطار بولیملریگه چقماق اوریشی عاقبتیده، کمیده ۱۴ کیشی هلاک بولگن. رویترز آژانسینینگ بوگون (۷-ثور/۲۷-اپریل، دوشنبه)، گزارش بیریشیچه، بنگلهدیشنینگ بیر قطار ولایتلریده کوچلی یاغینگرچیلیکلر و چقماق بیلن بیرگه توستدن بورانلر، کوپینچه زیانلرنینگ اورته گه کیلیشیگه سبب بولگن.
ایران امریکا گه هرمز بوغوزینی کیمهلر حرکتی اوچون آچیش و اوروشنی یکونلش بوییچه ینگی تکلیف یوباردی.
مین محمدحسین جعفری من، «رنا» بیلیم یورتی ژورنالیزم یونهلیشی طلبهسی، صنعی هوش حادثهسینینگ افغانستان ییتکرمهلریده کینگهیشی و تاپیلیشی بیلن، طلبهلر و یاشلر آرهسیده بو تکنالوژینینگ خصوصیتلری حقیده کوپلب سواللر یوزه گه کیلدی. اوشبو پلتفرمه بیلن ایلک تنیشووده توشونچهلریم تورلیچه و بعضاً ناتوغری ایدی.
ایچکی ایشلر وزیرلیگی سوزلاوچیسی عبدالمتین قانع، بوگون (۷ ثور/۲۷ اپریل، دوشنبه) ایکس صحیفهسیده بیر بیانیه ترقهتیب، اوشبو اوچرهشووده حقانی جنابلری، افغانستانده عمومی برقرارلیک تأمین ایتیلیشی، ایچکی قیینچیلیکلر حل ایتیلیشی و یشاوچیلر آسودهلیگی اوچون سعی-حرکت قیلهیاتگنلرینی ایتگن.
جاپان شمالی حدودلری هوکایدو آرالیده ۶.۲ درجه ریشترلی زلزله یوز بیرگن. ییتکرمهلرنینگ معلوماتیگه کوره، اوشبو زلزله بوگون (۷ ثور/۲۷ اپریل، دوشنبه) محلی وقت بیلن بامداد پیتی هوکایدو حدودلریده یوز بیرگن. زلزله ۸۳ کیلومتر ییرنینگ چقورلیگیده یوز بیرگن و اونینگ کوچی ۶.۲ درجه دییلگن. مذکور مملکت رسمیلری، زلزله احتمالی تلفاتی و زیانلرینی انیقلش اوچون سعی-حرکت آلیب باریلهیاتگنینی ایتگنلر.
