لوگر امنیه قوماندانلیگی سوزلاوچیسی سلطانمحمد سنگیننینگ سلاموطندار گه ایتیشیچه، اوشبو ولایتده ناتانیش کیشیلر آرقهلی بیر عایلهنینگ تورت اعضاسی اولدیریلگن.
اونینگ کوپهیتیریشیچه، مذکور واقعه اوتگن کیچه لوگر مرکزی پلعلم شهری حدودلریده جایلشگن «حصارک» منطقهسیده یوز بیریب و بو توغریده تدقیقات باشلنگن.
باشقه بیرتاماندن، لوگر حاکمی سوزلاوچیسی میرویس ابدالیگه کوره، مذکور عایلهنینگ اولدیریلگنیگه تیگیشلی شبهلی اوچ کیشی قولگه آلینگن.
ابدالینینگ ایتیشیچه، شونینگدیک اوتگن کیچه لوگر ولایتی محمدآغه تومنی حدودلریده جایلشگن «اصحاب بابا» شهرچهسیده، ناتانیش کیشیلر آرقهلی بیر شفاکار اولدیریلگن.
لوگر حاکمی سوزلاوچیسینینگ کوپهیتیریشیچه، اوشبو شفاکار کلاشینکف بیلن اولدیریلیب و بو واقعه گه تیگیشلی بیر کیشی قولگه آلینگن.
