تورکمنستان‌نینگ آوازا شهری‌ده، بوگون (۱۶ میزان/۸ اکتوبر، پنج‌شنبه) مرکزی آسیا دولتلری و آذربایجان جمهوریتی ییتکیچیلری‌نینگ سکیزینچی مصلحتی ییغیلیشی باشلندی.
اوشبو مصلحتی ییغیلیشده، مرکزی آسیا دولتلری و آذربایجان جمهوریتی باشلیغ‌لری، منطقه‌وی همکارلیک‌لرنی کینگه‌یتیریش، سیاسی-دیپلماتیک همکارلیک‌نی مستحکملش، سودا، اقتصادی علاقه‌لرنی کینگه‌یتیریش، انرژی ساحه‌سیده شیریک‌لیکنی رواجلنتیریش مسئله‌لری محاکمه قیلینیشی کوتیله‌دی.
شونینگدیک، اطراف-محیط‌نی محافظه قیلیش و اقلیم اوزگریشیگه ماسلشیش بوییچه قوشمه چاره-تدبیرلر، مدنیت، تعلیم و علم-فن ساحه‌لری همده یاش‌لر اورته‌سیده‌گی علاقه‌لرنی رواجلنتیریش مسئله‌لری کون ترتیبی‌دن اورین آلگن.
اوچره‌شوولرده، منطقه‌وی و خلق‌ارا اهمیت گه ایگه دالضرب مسئله‌لر، شونینگدیک تینچلیک، برقرارلیک و خوفسیزلیکنی تأمینلش بوییچه استوار وظیفه‌لر یوزه‌سیدن فکر المشیله‌دی.
