قزاقستان ده اروپا اتفاقی نمایندهلیگی هیئتینینگ اعلام قیلیشیچه، بیرلشگن ملتلر تشکیلاتی، مرکزی آسیا مملکتلری و اروپا اتفاقی مخصوص وکیللری افغانستان بیلن تیگیشلی موضوعلر، سونگی اوزگریشلر همده اولرنینگ منطقهگه تاثیری حقیده مذاکره اوتکزگنلر.
قزاقستان ده اروپا اتفاقی نمایندهلیگی هیئتینینگ دوشنبه کونی کیچ قورون اوز اکس صحیفهسیده یازیشیچه، اروپا اتفاقی و مرکزی آسیا مملکتلرینینگ افغانستان مسئلهلری بوییچه وکیللری همده مخصوص ایلچیلری سکیزینچی ییغیلیشی، قزاقستاننینگ آلماتی شهریده بولیب اوتهدی.
اروپا اتفاقی نمایندهلیگی هیئتیگه کوره، مذاکرهلر تورلی موضوعلر جملهدن افغانستان ده اجتماعی، انسانسیورلیک و اقتصادی وضعیت، سوو منبعلرینی مدیریت قیلیش، هوا اوزگریشلری و بشر حقوقی اینیقسه عیاللر و قیزلر حقوقی، منطقهای باغلهنیش و منطقه مملکتلری آرهسیده کینگ کولملی همکارلیکلر گه قرهتیلگن.
مرکزی آسیا بوییچه اورپا اتفاقی مخصوص وکیلی ادواردز استیپرایس، افغانستان بوییچه اروپا اتفاقی مخصوص وکیلی ژیل برتران و اروپا کمیسیونی باشلیغی شارلوت آدریان، بو ییغیلیشگه شرکت قیلگنلر.
اوشبو ییغیلیشده بیرلشگن ملتلر تشکیلاتی و مرکزی آسیا مملکتلری وکیللری، منطقهده سونگی اوزگریشلر و اونینگ تاثیرلری حقیده مذاکره قیلگنلر.
اروپا اتفاقی و مرکزی آسیا مملکتلری، سونگی ییللرده افغانستان حقیده منظم مصلحتلشوولرنی کوپهیتیرگن. انسانسیورلیک وضعیتی، مهاجرت، چیگره امنیتی، بشر حقوقی و اقتصادی قیینچیلیکلر، افغانستان بوییچه خلقارا همجمعیت بیلن منطقه مملکتلری آرهسیده مذاکره بولهدیگن اینگ مهم موضوعلردن حسابلنهدی.
