غور محلی مسئوللری نینگ ایتیش‌لریچه، اوشبو ولایت «الله‌یار» تومنی نینگ «اسپین‌سنگ» قیشلاغیده بیر تاش کومیر کانی نینگ قازیب چیقاریش ایشی باشلنگن. مسئوللر گه کوره، مذکور تاش کومیر کانی نینگ قازیب چیقاریش ایشی، اوتگن کون اوشبو تومنده مسئوللر و غور یشاوچیلری نینگ حضوری بیلن بیر برنامه آرقه‌لی باشنگن.
غور ولایتی ادارای رئیسی رحمت‌الله امانی اوشبو تاش کومیر کانی نینگ قازیب چیقاریش مناسبتی بیلن اوتکزیلگن ییغینده، اونینگ قازیب چیقاریش ایشی‌نی قشاقلیک کمه‌یشی و اولکه فقرالرینی ایش بیلن تامینلش بوییچه ایجابی بیر آدیم دیب عنوان قیلگن. اونگه کوره، مذکور ولایت کانی مسلکی شکلده قازیب چیقاریلگن تقدیرده مملکت اقتصادی نینگ کوچلنتیریش اوچون اونملی رولی بولیشی ممکن.
بیزلرنینگ فیسبوک صحیفه‌میزگه باش اورینگ!
امانی نینگ اورغولشیچه، اسلامی امارت مسئوللری قازیب چیقاریش‌گه قرار قیلگن باشقه کان‌لر هم انیقلنگن.
باشقه بیر تاماندن، غور کان‌لر و پطرولیم ریاست رئیسی عبدالحکیم نینگ ایتیشیچه، اوشبو ولایت‌ده حاضرگچه تورلی ۸۰ کاندن آرتیغی قولنیلمه‌گن که اولر نینگ قازیب چیقاریلیشی بیلن مملکت یشاوچیلری نینگ قیین‌چیلیکلریدن بویوک بولیمی نی رفع بولیشی ممکن. شونینگدیک او اسپین‌سنگ قیشلاغ کانی نینگ قازیب چیقاریشی نی اوشبو ولایت یشاوچیلری اوچون فایده‌لی دیگن.
شونده‌ی بیرحالده، «نور امید» شرکت مسئوللری مذکور کان نینگ قازیب چیقاریش ایشی نی قرارداد گه آلیب و ایتیش‌لریچه، اسپین‌سنگ قیشلاغی‌ده‌گی تاش کومیر یخشی صفت‌گه ایگه.
مذکور شرکت مسئولی عبدالواحد شهریار نینگ کوپه‌یتیریشیچه، اوشبو کان نینگ قازیب چیقاریشی بیلن، بو ولایت بازارلریده یانغین ماده اینیقسه تاش کومیر بهاسی مثل سیز درجه‌ده کمه‌یشی ممکن.
اسلامی امارت نینگ غوردهگی امنیتی مسئوللری، اوشبو کان امنیتی تامین‌لنیشیدن ایشانچ بیریب و ایتیش‌لریچه، هیچ بیر کیشی یا-ده گروه گه اره لشیش‌که رخصت بیرمه‌یدیلر.
شونده‌ی بیرحالده، غورده تاش کومیر کانی نینگ قازیب چیقاریش ایشی باشلنیشی بیلن، اونلرچه کیشی ایش بیلن تامینلنه‌دی.
