غور ولایتی نینگ معلومات و مدنیت ریاست مسئوللری بوگون اوشبو ولایت نینگ استخبارات ریاستی آرقلی ترقه‌تیلگن خبرنامه‌دن نقل قیلیب ایتیش‌لریچه، اسلامی امارت کوچلری غور ولایت مرکزی فیروزکوه شهری اطرافیدن ۴ کیشی نی «آلتین کانی نینگ قازیش» عیبلاوی بیلن قولگه آلگن.
غور معلومات و مدنیت ریاست رئیسی عبدالحی زعیم اوشبو ولایت استخبارات ریاست خبرنامه‌سیدن نقل قیلیب ایتیشیچه، مذکور کیشیلر «بهاری» قیشلاغیدن که او ییرده آلتین کان بارلیگی گمان قیلینگ ایکن قولگه آلیب و حاضر ایسه تیکشیروو آستیده قرار تاپگنلر.
بیزلرنینگ فیسبوک صحیفه‌میزگه باش اورینگ!
جناب زعیم غور استخبارات ریاستی خبرنامه‌سیدن نقل قیلیب کوپه‌یتیریشیچه، مذکور کیشیلر یانیدن، زیرزمینی کان‌لرنینگ کشف قیلووچی دستگاسی، فلانکوچ بیر موتر و شونینگدیک برقی بیر بالقه قولگه کیلگن. غور معلومات و مدنیت ریاست رئیسی گه کوره، شونینگدیک مذکور کیشیلر اوتمیش‌لرده اوشبو ولایت نینگ چهارسده و شهرک تومنلریده مشابه فعالیت‌لری بار ایکن.
غور مدنی مسئوللری نینگ بیاناتی اساسیده، کانلر نینگ قازیشی اسلامی امارت نینگ قانونی گه قرشی دیر و شونده‌ی ایشلر گه قول اورگن کیشیلر بیلن قانونی یول باریلیشی ممکن.
