غور ولایتی بوییچه معلومات و مدنیت ریاستی مسوول‌لری نینگ ایتیش‌لریچه، جاری ییل اوروش شدت‌لنگنی و بودجه یوق‌لیگی سبب، تاریخی آبده‌لر بولگن منطقهلرده باریب و مذکور آبده‌لرنی یقین‌دن تیکشیریش‌گه موفق بولمه‌گنلر.

بیزلرنینگ فیسبوک صحیفه‌میزگه باش اورینگ!

غور ولایتی بوییچه معلومات و مدنیت اداره‌سی باشلیغی فخرالدین آریاپور نینگ ایتیشیچه، اوشبو ولایتده کمیده ۲۳۰ تاریخی آبده نابود ایتیلیش خطری بیلن دوچ کیلگن. اونینگ کوپه‌یتیریشیچه، ناتینچلیک و بودجه یوق‌لیگی باعث، تاریخی اثرلر بولگن منطقه‌لرده باریب و آبده‌لر وضعیتی‌نی تیکشیریب و حفاظت قیلیش‌گه موفق بولمه‌گنلر.

عین‌حالده، غور ولایتیده فرهنگی ایش بیلرمانلردن بیرقطاری، اوشبو ولایتده سابق‌لر اینیقسه غوریانی‌لر دوریدن کوپینچه تاریخی آبده‌لر قالگنی‌گه اشاره قیلیب ایتیش‌لریچه، حاضرده مذکور اثرلر و تاریخی آبده‌لردن کوپ‌قطاری نابود ایتیلیش خطری بیلن روپه‌ره بولگن.


فیروزکوه ادبی انجمنی باشلیغی فضل‌الحق فایق، اوروش تامانلریدن تاریخی آبده‌لردن حفاظت و مراقبت قیلیش اوچون جدی شکلده دقت قیلیش‌لرینی سوره‌گن. « تاریخی آبده‌لردن بیرقطاری استراتیژیک منطقه‌لرده دیر، اوروش جریانیده مذکور منطقه‌لرنی سنگرگه اوزگریشی ممکن و اثرلرگه زیان ییتیشیش احتمالی بار دیر، انه‌شو سبب غور ولایتیده تاریخی آبده‌لر نابود ایتیلیش خطری بیلن دوچ کیلگن. غور فرهنگی و ادبی انجمنی مسئولی صفتیده، اوروش تامانلریدن تاریخی اثرلردن حفاظت قیلیش‌لرینی ایسته‌یمن.»

حاضرگی وضعیتده مملکت کوپ‌قطار ولایتلری اینیقسه غور ده اوروش شدتلنگن و تاریخی آثارلردن حفاظت قیلیش زور دیر، بیراق غور محلی مسوول‌لری نینگ ایتیش‌لریچه، دولت اهالی خوفسیزلیگی‌نی تامین‌لش چیککه‌سیده تاریخی اثرلر و آبده‌لردن مراقبت قیلیش‌گه مسوول دیر.

غور حاکمی سوزلاوچیسی زلمی کریمی نینگ ایتیشیچه: « غور محلی اداره‌سی و افغانستان دولتی اهالی نینگ خوفسیزلیگی‌نی تامین‌لش اوچون سعی و حرکت قیله‌دی، سابق‌لرده تاریخی آبده‌لر و ایسکی اثرلردن حفاظت قیلیش خصوصیده سعی و حرکت قیلگن و کیله‌جکلرده هم دقت قیله‌دی.»

بیزلرنینگ توییترده تعقیب قیلینگ! 

شونینگدیک، طالبان سوزلاوچیسی قاری یوسف احمدی نینگ ایتیشیچه، اوشبو گروه جنگریلری تاریخی و فرهنگی آبده‌لرگه زیان ییتیشتیرمه‌یدی.

مرتبط با این خبر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام