ایران اوروشینینگ اینگ مهم یونهلیشلریدن بیری تاباره کوپراق شوندهی سوال گه باغلنیب بارماقده؛ اونلب ییللر دوامیده یقین شرق نفتی و طبیعی گازینی تشیش اوچون نسبتن خوفسیز و ایشانچلی یول صفتیده فایدهلنیب کیلینگن هرمز بوغوزینی اصلیده کیم نظارت قیلهدی؟
اسوشیتدپرس، اوشبو سوالگه جواباً تیارلهگن بهتفصیل گزارشیده، ایران اسلامی جمهوریتی وقتینچهلیک صلح اونگه هرمز بوغوزیدن کیمهلرنینگ اوتیش شرطلرینی بیلگیلش حقوقینی بیرگنینی ادعا قیلگن. شونینگدیک، تهران بیلگیلهگن یونهلیشدن اوتمهگن کیمهلر گه تهدید قیلیش و حتا اولر گه قرهته اوق اوزیش آرقهلی اوشبو سوو یولینی نظارت قیلیشگه اورینماقده همده اوندن امریکا بیلن مذاکرهلرده باسیم واسطهسی صفتیده فایدهلنماقچی.
شو بیلن بیرگه، امریکا قوشمه ایالتلری جمهور باشلیغی دونالد ترامپ، ۲۲ سرطان/۱۳ جولای، دوشنبه کونی، ترازینینگ پلهلرینی واشنگتن فایدهسیگه آغدیریشگه اوریندی، او ینه بیر بار ایراننینگ دینگیز آرقهلی قمل قیلینیشینی جاری ایتدی و امریکا قوشمه ایالتلری هرمز بوغوزینی نظارت قیلیشینی ادعا قیلدی. شونینگدیک، بوندن بویان اوشبو سوو یولیدن اوتووچی کیمهلرنینگ خوفسیزلیگینی تأمینلش اوچون اولردن باج اوندیریلیشینی ایتدی. بو ایسه اصلیده تهران ایلگری قولـلهگن یاندهشوو گه اوخشش سیاستنینگ تکرارلنیشی دیر.
بو سوزلر، ایران و امریکا هرمز بوغوزی اوستیدن اوز نظارتینی مستحکملش اوچون بیر-بیریگه قرشی هجوملرنی کوچهیتیرهیاتگن بیر پیتده بیان قیلینگن. بو جریان ایسه کینگ کولملی اوروشنینگ قیته باشلنیشی خوفینی آشیرگن.
دنیا اوزاق ییللردن بیری، ایران و عمان ساحللری آرهلیغیده جایلشگن هرمز بوغوزینی کیمهلر قتناوی اوچون آچیق بولگن خلقارا سوو یولی دیب حسابلب کیلگن. بیراق ایران اسلامی جمهوریتی ۲۸ فبروری کونی امریکا و اسرائیلنینگ هجوملریگه دوچ بولگنیدن کوپ اوتمهی، اوشبو حدود اوستیدن حاکمیت آلیب باریش ادعاسینی قیلدی. بو حرکت جهان انرژی بازارلرینی ایزدن چیقردی و نرخلرنینگ آشیشیگه آلیب کیلدی.
حال بو کی، هم ایران هم امریکا هرمز بوغوزی اوستیدن نظارت قیلیش ادعاسینی قیلماقده.
